Sherman Oaks

Sherman Oaks é un distrito do val de San Fernando, na cidade dos Ánxeles (California). A diferenza da meirande parte do val, a zona está relativamente urbanizada, con rañaceos que se estenden desde a estrada principal, a Ventura Boulevard. Ten unha extensión de 21 km².

Bulevar Van Nuys en Sherman Oaks.

XeografíaEditar

O seu territorio está delimitado ó leste por Studio City, Van Nuys ó norte, Encino ao oeste e as serra de Santa Mónica ó sur. Sherman Oaks está situado ó longo do Río Os Ánxeles, Ventura Freeway, San Diego Freeway, Beverly Glen Boulevard e Sepulveda Bulevar.

CulturaEditar

Sherman Oaks é unha comunidade rica, con moitas boutiques de moda, incluíndo moitas casas e restaurantes sofisticados. Unha das principais razóns polas que colleu sona é a presenza da Sherman Oaks Galleria, un centro comercial identificado como "o lugar de reunión das Valley Girls" (mozas do Val de San Fernando), que se converteu nun dito moi coñecido nos EUA polo éxito do filme de 1983 Valley Girl e unha canción co mesmo nome de Frank Zappa.

Véxase taménEditar


 
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.