Seteportas-Altair
Este artigo é orfo, xa que carece doutros artigos que apunten cara a el. Por favor, engade ligazóns a esta páxina desde outros artigos relacionados con este. |
Seteportas-Altair é un agrupamento educativo nos tempos libres pertencente a asociación sen ánimo de lucro e de voluntariado Altair Galiza, entidade nacional galega de Altair que forma parte do Movemento Internacional Sociocultural e Educativo nos Tempos Libres Altair. Este agrupamento fundouse en 2014 en Santiago de Compostela formando parte do Proxecto Educativo Altair desde entón. O obxectivo do proxecto é educar nos tempos libres e promover a convivencia a través de valores como a igualdade social, a solidariedade ou o desenvolvemento sustentábel.
Seteportas-Altair | |
---|---|
Tipo | proxecto |
Data de fundación | 2014 |
Sede | Santiago de Compostela |
País | Galicia |
Na rede | |
http://altair.gal/os-agrupamentos/seteportas/ | |
[ editar datos en Wikidata ] |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O equipo educativo do agrupamento está composto por persoas enteiramente voluntarias: estudantes, traballadoras, persoas desempregadas etc que comparten o seu interese e compromiso co mundo da educación nos tempos libres. Porén, a actividade de voluntariado está aberta a toda persoa que se recoñeza no proxecto e queira achegar a súa forza e experiencia. Desenvólvense actividades destinadas a nenos/as de entre 7 e 17 anos, organizándose en grupos de idade (Pícaras, Insurras, Aventureiras, Pioneiras e Argonautas).
O proxecto Altair implica regularidade e unha periodicidade semanal, coa finalidade de crear un grupo estábel que se identifique a si mesmo como unha comunidade. Con esta intención, o grupo Seteportas-Altair reúnese todos os sábados pola mañá, de 11.00h a 14.00h, no seu local de Santiago de Compostela. Durante o curso en outono, inverno, primavera e verán realizan acampadas e campamentos pola contorna podendo durar até dúas semanas o campamento de verán. O agrupamento desenvolve as súas actividades tratando de cooperar e inserirse na comunidade, tecendo vínculos coa veciñanza e aprendendo dela e con ela.
Basea o seu método na pedagoxía do proxecto e na acción como método para educar en valores nos tempos libres, ademais de facer que as altaíres medren sentíndose parte dun grupo que camiña unido sen esquecer a súa individualidade; tomando o xogo como punto de partida na procura de educación integral das persoas.