Santiago Pérez Alonso

Marchador galego internacional
(Redirección desde «Santiago Pérez»)

Santiago Pérez Alonso, nado o 15 de xaneiro de 1972 en Vigo, é un atleta ourensán especializado nas probas de marcha.

Santiago Pérez Alonso
Nacemento12 de xaneiro de 1972 e 15 de xaneiro de 1972
Lugar de nacementoVigo
NacionalidadeEspaña
Ocupaciónatleta
Na rede
IAAF: 14165383 Editar o valor em Wikidata
editar datos en Wikidata ]

Traxectoria deportiva editar

Empezou de moi novo disputando xa probas de marcha e proclamouse campión de España de categorías de idade en varias ocasións. A partir de 1997 comezou a competir a alto nivel internacional, sempre na proba de longa distancia, a marcha de 50 km, e quedou 6º nos campionatos de Europa de Budapest de 1998. Ao ano seguinte, foi finalista nos mundiais de Sevilla.

Logo de atravesar distintas lesións que o mantiveron afastado da competición e que o privaron de acudir aos Xogos de Sydney, participou por primeira vez nunha final olímpica en Atenas 2004, obtendo o máis brillante resultado dun marchador galego na historia: o oitavo posto e diploma olímpico, cun tempo de 3:49'48".

Nos mundiais de Osaca dominou a proba durante o primeiro terzo, pero retirouse no km. 22 por un problema físico na súa perna dereita.

 
A cidade de Vigo ós seus atletas.[1]

Outros datos editar

O seu club é o Ourense Academia Postal. O seu adestrador o español José Marín.

Foi internacional coa selección española en 16 ocasións. A súa mellor marca sobre os 50 kms é 3:45'55".

Desde o ano 2009 dirixe a escola galega de marcha, con sede en Pontevedra.

Notas

Véxase tamén editar

Bibliografía editar