Särkänniemi
Coordenadas: 41°05′05″N 1°09′05″L / 41.08472, -1.15139
| |
| Información | |
|---|---|
| Cidade |  Tampere (Finlandia)
|
| Apertura | 1975 |
| Antigos nomes | Neulan huvipuisto |
| Sitio web | sarkanniemi.fi |
Särkänniemi é un parque de atraccións da cidade de Tampere, Finlandia. Särkänniemi conta con cinco espazos diferenciados: o parque de atraccións, un acuario, a Näsinneula, un planetario e Koiramäki. Dentro do espazo do parque de atraccións inaugurouse no verán de 2012 o espazo Angry Birds Land e un ano despois Koiramäki. No complexo existen numerosos restaurantes como o restaurante panorámico de Näsinneula. En 2019 tivo un total de 623 000 visitantes durante a tempada de verán, e 681 000 en todo o ano.[1]
Särkänniemi conta con ao redor de 500 traballadores ocasionais e 100 traballadores máis fixos.[2]
Historia editar
Särkänniemi está localizado nun cabo no lago Näsijärvi no que anteriormente se encontraba unha pequena zona industrial que contaba, entre outras, cun serradoiro e uns talleres navais.[3]
A idea de construír un parque de atraccións en Tampere remóntase ao mes de agosto de 1959 cando a Lasten Päivän Säätiö, a fundación que dirixe Linnanmäki, dirixiuse á cidade de Tampere, xa que adquirira varias atraccións e quería expandirse á cidade. A idea foi ben recibida polos dirixentes de Tampere e creouse un comité que, entre outras cousas, viaxou por diferentes parques de atraccións de todo o mundo procurando ideas e vendo as posibles necesidades que tería o futuro parque.[4] Axiña concretouse a localización do parque en Ratinanniemi, e en 1962 creouse a sociedade Ratinanpuisto Oy para prepararlo. A localización en Ratinanniemi seguiu presente durante moito tempo dada a localización remota de Särkänniemi, mais finalmente considerouse que a area de Ratinanniemi era demasiado pequena.[5][4]
Os primeiros edificios de Särkänniemi foron o acuario e o planetario, que abriron as súas portas o 25 de abril de 1969. A idea do planetario naceu dun grupo de tomadores de decisións de Tampere durante a súa viaxe a América na década de 1960. Presentóuselle a idea ao daquela alcalde Erkki Lindfors, quen como afeccionado á astronomía aceptou a idea, mentres que o impulsor do acuario tería sido o administrador adxunto da cidade Sampo Toni, que era era afeccionado á pesca.[5][6][4] Durante a primeira semana da visitaron o acuario-planetario unhas 16 000 persoas a pesar do elevado prezo da entrada na época, fixado en 2,50 marcos finlandeses.[4]
En 1965, logo da visita de Lindfors a Kuopio, onde se construíra a Torre Puijo, unha torre de observación con restaurante, tomou a idea e axiña se creou un comité en Tampere para planificar a súa propia torre de observación que fora canto menos 10 metros máis alta que a torre de Kuopio. En 1966 naceu Tampereen Särkänniemi.[5][6]
Na zona a cidade de Tampere construíu Näsinneula, que se converteu en símbolo da cidade e que foi inaugurada o 1 de maio de 1971. Ao mesmo tempo planeouse un parque de atraccións para a cidade.[5]
O 1 de maio de 1975 inaugurouse o parque de atraccións, pasaran de seis anos da inauguración do acuario e do planetario, e 16 dende a creación do comité de partes que atraccións.[4]
Espazos editar
Parque de atraccións editar
- Artigo principal: Lista de atraccións de Särkänniemi.
O parque de atraccións foi inaugurado en 1975.[7]
Kärsänniemi editar
Koiramäki editar
- Artigo principal: Koiramäki.
Acuario e planetario editar
- Artigos principais: Acuario de Särkänniemi e Planetario de Särkänniemi.
O edificio do acuario e o planetario foi a primeira estrutura que se construíu en Särkänniemi, sendo ambos inaugurados o 25 de abril de 1969. Xunto con Näsinneula son os únicos espazos do complexo abertos durante todo o ano.[3] O acuario consta de dous niveis e o andar inferior só é accesible por unhas escaleiras.[8]
Inicialmente o acuario contaba con focas e leóns mariños nunha piscina ao aire libre de acceso gratuíto. Os animais foron morrendo progresivamente ata que en 1999 decidiuse sacrificar a última foca, de 31 anos, que se encontraba enferma.[9]
Näsinneula editar
- Artigo principal: Näsinneula.
A torre de observación á beira do lago Näsijärvi que foi inaugurada o 28 de abril de 1971. Näsinneula é o edificio máis alto de Finlandia cunha altura total de 168 metros contando a súa antenas, mentres que a altura do teito da construción e de 134,5 metros. Dende que en 2018 a Torre Kaknäs de Estocolmo pechou as súas portas ao público é tamén a maior torre de observación dos países nórdicos. No alto da torre existe un restaurante xiratorio con vistas á cidade. A torre é considerada un dos símbolos da cidade de Tampere.
Notas editar
- ↑ "Särkänniemi yrityksenä" (en finés). sarkanniemi.fi. Consultado o 17 de agosto de 2020.
- ↑ "Finland's amusement parks face massive losses due to coronavirus" (en inglés). Yle.fi. 14 de abril de 2020. Consultado o 17 de agosto de 2020.
- ↑ 3,0 3,1 Zitting, Marianne; Pesonen, Heidi (6 de abril de 2019). "Kuvat näyttävät Särkänniemen muutoksen: Näin entisestä teollisuusalueesta tuli 50 vuodessa suosittu huvipuisto". Aamulehti (en finés). Consultado o 30 de xuño de 2023.
- ↑ 4,0 4,1 4,2 4,3 4,4 Mäkinen, Petteri (9 de xuño de 2019). "Ufo Näsijärven rannassa? Vai sittenkin moskeija? – 50 vuotta täyttävän Särkänniemen syntyhistoriassa riittää hurjia suunnitelmia ja vikkeliä käänteitä". Tamperelainen (en finés). Consultado o 22 de setembro de 2023.
- ↑ 5,0 5,1 5,2 5,3 Satola, Jenni (15 de abril de 2009). "Särkän moskeija veti uteliasta kansaa". Tamperelainen (en finés). p. 6.
- ↑ 6,0 6,1 Louhivaara, Maija (1999). Tampereen kadunnimet (en finés). Tampere: Tampereen museoiden julkaisuja. p. 74.
- ↑ Zitting, Marianne (5 de abril de 2019). "Särkänniemi 50 vuotta - katso kuvakooste suosikkikohteen vuosikymmenten varrelta!". Iltalehti (en finés). Consultado o 30 de xuño de 2023.
- ↑ "AKVAARIO" (en finés). Särkänniemi.fi. Consultado o 30 de xuño de 2023.
- ↑ "Särkänniemen hylkeillä oli tuhansia ystäviä". Yle Uutiset (en finés). 19 de outubro de 2009. Consultado o 30 de xuño de 2023.
Véxase tamén editar
Ligazóns externas editar
- Sitio web de Särkänniemi (en finés) (en inglés)