Roundhay Garden Scene

filme de 1888 dirixido por Louis Le Prince

Roundhay Garden Scene é unha curtametraxe muda de 1888 gravada polo inventor francés Louis Le Prince. Rodado en Oakwood Grange en Roundhay, Leeds, no norte de Inglaterra, crese que esta escena é o filme máis antigo que existe dos que sobreviviron até o presente.[1]

Roundhay Garden Scene
Ficha técnica
Título orixinalRoundhay Garden Scene
DirectorLouis Le Prince
ProdutorLouis Le Prince
Intérpretes
  • Annie Hartley
  • Adolphe Le Prince
  • Joseph Whitley
  • Sarah Whitley
FotografíaLouis Le Prince
MontaxeLouis Le Prince
Estrea14 de outubro de 1888
Duración2,11 segundos
OrixeReino Unido Reino Unido
XéneroCurtametraxe muda

Segundo o fillo de Le Prince, Adolphe, o filme foi rodado en Oakwood Grange, o fogar de Joseph e Sarah Whitley, en Roundhay, Leeds, West Riding of Yorkshire, o 14 de outubro de 1888.[2] A escena amosa ó fillo de Louis, Adolphe Le Prince, a súa sogra Sarah Whitley (nada como Robinson e 1816 e finada o 24 de outubro de 1888), o seu sogro Joseph Whitley (nado en 1817 e finado o 12 de xaneiro de 1891) e Annie Hartley no xardín de Oakwood Grange paseando tranquilamente. Sarah é vista camiñando, ou bailando, cara a atrás cando ela pega a volta, e as colas do abrigo de Joseph vense voando mentres el tamén dá a volta. Joseph e Sarah Whitley eran os pais da muller de Le Prince, Elizabeth. Crese que Annie Hartley era unha amiga de Le Prince e da súa muller. Sarah Whitley morreu dez días despois de que a escena fose rodada.[3]

NotasEditar

  1. Smith, Ian (10 de xaneiro de 2016). The Vintage News, ed. "“Roundhay Garden Scene” recorded in 1888, is believed to be the oldest surviving film in existence". Consultado o 29 de agosto de 2018. 
  2. Youngs, Ian (23 de xuño de 2015). BBC, ed. "Louis Le Prince, who shot the world's first film in Leeds". Consultado o 24 de agosto de 2016. 
  3. "Monumental Inscriptions at St. John's Church, Roundhay, Leeds". Arquivado dende o orixinal o 31 de maio de 2015. Consultado o 26 de xaneiro de 2018. 

Véxase taménEditar

Ligazóns externasEditar