Rhyolite
Rhyolite (significando riolita), denominados máis tarde Aquacade e tamén coñecidos baixo a denominación Programa 720 e Programa 472, foi unha serie de satélites de intelixencia dos Estados Unidos de América para a detección de sinais electromagnéticas.[1][2]
Características editar
Os satélites Rhyolite, renomeados como Aquacade cando o seu nome orixinal se fixo público, eran satélites de intelixencia para a detección de sinais electrónicas desde a órbita xeoestacionaria. O seu obxectivo principal era recoller telemetría de mísiles soviéticos e chineses. Lanzáronse catro satélites Rhyolite entre 1970 e 1978, todos a bordo de foguetes Atlas-SLV3A Agena-D. Eran fabricados por TRW, tiñan unha masa de 700 kg e unha antena despregable de entre 20 e 23 m de diámetro. Foron substituídos polos satélites da serie Magnum.[1][2]
Historial de lanzamentos editar
| Misión[1][2] | Data de lanzamento[1][2] | Foguete lanzador[1][2] | Notas[1][2] |
|---|---|---|---|
| Rhyolite 1 | 19 de xuño de 1970 | Atlas-SLV3A Agena-D | Éxito |
| Rhyolite 2 | 6 de marzo de 1973 | Atlas-SLV3A Agena-D | Éxito |
| Rhyolite 3 | 11 de decembro de 1977 | Atlas-SLV3A Agena-D | Éxito |
| Rhyolite 4 | 7 de abril de 1978 | Atlas-SLV3A Agena-D | Éxito |