Resurs
Resurs é unha familia de satélites de observación da Terra soviéticos e rusos.[1]
Características editar
Os satélites Resurs comezaron sendo satélites derivados dos satélites de recoñecemento Zenit para fins civís. O seu obxectivo era a busca e investigación de recursos naturais de interese para a Unión Soviética e como forma de cooperación internacional. O primeiro satélite Resurs foi lanzado en 1979. Os primeiros Resurs usaban cápsulas para devolver a película fotográfica a terra para ser revelada e examinada. Versións máis avanzadas xa enviaban as imaxes por radiocomunicacións.[1]
Resurs-F1 (GRAU 17F40, 17F41 e 17F43) editar
Os primeiros satélites Resurs usaban a denominación F1, da que houbo tres series, cada unha cun índice GRAU distinto (17F40, 17F41 e 17F43). A diferenza entre as tres series non está clara. Os Resurs-F1 17F40 foron os primeiros satélites Resurs e, ao igual que os Zenit, usaban o método de devolver a terra a película fotográfica despois de tomar imaxes das zonas de interese. Funcionaban usando unha batería en vez de paneis solares, o que lles daba unha autonomía de 14 días aínda que podían aguantar dez días adicionais en modo de baixo consumo. Usaban o sistema fotográfico Priroda-4, que consistía nun sistema con tres canais multiespectrais usando dúas cámaras KFA-1000 e tres KATE-200. A resolución máxima conseguida era de 5 metros. Lanzáronse 53 Resurs-F1 entre 1979 e 1993, con só dous fallos.[2][3][4]
Resurs-F1M editar
Os Resurs-F1M eran unha versión mellorada dos Resurs-F1M. Seguían usando o método de retorno mediante cápsula e só se lanzaron dúas unidades, en 1997 e 1999.[5]
Resurs-F2 editar
Os Resurs-F2 estaban baseados nos Resurs-F1 e usaban paneis solars como fonte de enerxía, o que lles permitía permanecer ata 30 días en órbita. Usaban o sistema de imaxe SA-M, consistente en catro cámaras MK-4 cunha resolución de ata 5 metros e cunha capacidade de xeolocalización superior ao relacionarse co sistema de indización estelar SA-3R de a bordo. Lanzáronse dez Resurs-F2, todos a bordo de foguetes Soiuz U, entre 1987 e 1995.[6]
Resurs-OE editar
Resurs-OE foi un prototipo para dos satélites Resurs-OE. Foi lanzado o 24 de xullo de 1983 mediante un foguete Vostok 2M. Usaba o mesmo bus que os satélites meteorolóxicos Meteor 2 en lugar de basearse nos satélites Zenit. Reentrou na atmosfera terrestre o 28 de xaneiro de 2013.[7]
Resurs-O1 editar
Os Resurs-O1 foron os primeiros Resurs en usar un bus diferente ao dos satélites Zenit, usando o mesmo bus que os Meteor 2. Transmitían as imaxes directamente a terra en lugar de usar unha cápsula co material fotográfico. Como instrumentos levaban a bordo dous exploradores multiespectrais de alta resolución e dous de media resolución (só un no Resurs-O1 número 2). Lanzáronse tres Resurs-O1, os dous primeiros mediante foguetes Vostok 2M e o terceiro mediante un Zenit 2, en 1985, 1988 e 1994.[8][9]
Resurs-O1 4 editar
Resurs-O1 4 estaba baseado no bus dos satélites Meteor-3. Levaba máis instrumentación que os seus antecesores: un explorador multiespectral de alta resolución, un de media resolución, unha cámara de televisión para estudar a luz reflectida pola superficie e atmosfera terrestres, un medidor de radiación, un medidor de irradiación solar, un telescopio de partículas cargadas e un radiómetro. Foi lanzado o 10 de xullo de 1998 mediante un foguete Zenit 2.[10]
Resurs-DK editar
Resurs-DK ou Resurs-DK 1 foi un satélite da familia Resurs lanzado para a busca de recursos naturais, facer estudos ecolóxicos, servir de baliza para emerxencias mariñas, estudar a superficie do mar e do xeo, as condicións meteorolóxicas nas zonas polares e para servir de ligazón entre estacións terrestres. Estaba baseado nos satélites Yantar-4KS1M e levaba unha cámara pancromática de barrido cunha resolución de 0,9 m. Levaba acaroado o experimento rusoitaliano PAMELA para o estudo dos raios cósmicos e o experimento ARINA para a investigación de electróns e protóns de alta enerxía. Cunha masa de 6570 kg, foi lanzado o 15 de xuño de 2006 mediante un foguete Soiuz U. Deixou de funcionar en 2016.[11]
Resurs-P editar
Os satélites Resurs-P están baseados no Resurs-DK 1 e usan un sistema de cámaras cunha resolución de 1 m. A bordo levan tamén o sistema AIS de seguimento e recepción de sinais de buques.[12]
Historial de lanzamentos editar
| Misión[1][2][3][4][5] | Data de lanzamento[1][2][3][4][5] | Foguete lanzador[1][2][3][4][5] | Notas[1][2][3][4][5] |
|---|---|---|---|
| Resurs-F1 17F41 1 | 5 de setembro de 1979 | Soiuz U | Éxito |
| Resurs-F1 17F41 2 | 6 de xuño de 1980 | Soiuz U | Éxito |
| Resurs-F1 17F41 3 | 31 de xullo de 1980 | Soiuz U | Éxito |
| Resurs-F1 17F41 4 | 3 de setembro de 1980 | Soiuz U | Éxito |
| Resurs-F1 17F41 5 | 2 de xullo de 1981 | Soiuz U | Éxito |
| Resurs-F1 17F41 6 | 27 de agosto de 1981 | Soiuz U | Éxito |
| Resurs-F1 17F41 7 | 25 de maio de 1982 | Soiuz U | Éxito |
| Resurs-F1 17F41 8 | 8 de xuño de 1982 | Soiuz U | Éxito |
| Resurs-F1 17F41 9 | 20 de agosto de 1982 | Soiuz U | Éxito |
| Resurs-F1 17F41 10 | 10 de febreiro de 1983 | Soiuz U | Éxito |
| Resurs-F1 17F41 11 | 17 de maio de 1983 | Soiuz U | Éxito |
| Resurs-F1 17F41 12 | 7 de xuño de 1983 | Soiuz U | Éxito |
| Resurs-F1 17F41 13 | 20 de xullo de 1983 | Soiuz U | Éxito |
| Resurs-OE | 24 de xullo de 1983 | Vostok 2M | Éxito |
| Resurs-F1 17F41 14 | 5 de agosto de 1983 | Soiuz U | Éxito |
| Resurs-F1 17F41 15 | 14 de setembro de 1983 | Soiuz U | Éxito |
| Resurs-F1 17F41 16 | 16 de febreiro de 1984 | Soiuz U | Éxito |
| Resurs-F1 17F41 17 | 15 de xuño de 1984 | Soiuz U | Éxito |
| Resurs-F1 17F41 18 | 22 de xuño de 1984 | Soiuz U | Éxito |
| Resurs-F1 17F41 19 | 19 de xullo de 1984 | Soiuz U | Éxito |
| Resurs-F1 17F41 20 | 16 de agosto de 1984 | Soiuz U | Éxito |
| Resurs-F1 17F41 21 | 30 de agosto de 1984 | Soiuz U | Éxito |
| Resurs-F1 17F41 22 | 22 de maio de 1985 | Soiuz U | Éxito |
| Resurs-F1 17F41 23 | 7 de xuño de 1985 | Soiuz U | Éxito |
| Resurs-F1 17F41 24 | 21 de xuño de 1985 | Soiuz U | Éxito |
| Resurs-F1 17F41 25 | 7 de agosto de 1985 | Soiuz U | Éxito |
| Resurs-F1 17F41 26 | 29 de agosto de 1985 | Soiuz U | Éxito |
| Resurs-O1 1 | 3 de outubro de 1985 | Vostok 2M | Éxito |
| Resurs-F1 17F41 27 | 13 de decembro de 1985 | Soiuz U | Éxito |
| Resurs-F1 17F41 28 | 28 de maio de 1986 | Soiuz U | Éxito |
| Resurs-F1 17F40 1 | 10 de xullo de 1986 | Soiuz U | Éxito |
| Resurs-F1 17F40 2 | 2 de agosto de 1986 | Soiuz U | Éxito |
| Resurs-F1 17F40 3 | 31 de outubro de 1986 | Soiuz U | Éxito |
| Resurs-F1 17F40 4 | 21 de maio de 1987 | Soiuz U | Éxito |
| Resurs-F1 17F40 5 | 18 de xuño de 1987 | Soiuz U | Fallo |
| Resurs-F1 17F40 6 | 15 de setembro de 1987 | Soiuz U | Éxito |
| Resurs-F2 1 | 26 de decembro de 1987 | Soiuz U | Éxito |
| Resurs-F1 17F40 7 | 18 de febreiro de 1988 | Soiuz U | Éxito |
| Resurs-O1 2 | 20 de abril de 1988 | Vostok 2M | Éxito |
| Resurs-F1 17F43 1 | 31 de maio de 1988 | Soiuz U | Éxito |
| Resurs-F1 17F43 2 | 7 de xullo de 1988 | Soiuz U | Éxito |
| Resurs-F1 17F43 3 | 27 de xullo de 1988 | Soiuz U | Fallo |
| Resurs-F2 2 | 23 de agosto de 1988 | Soiuz U | Éxito |
| Resurs-F1 17F43 4 | 9 de setembro de 1988 | Soiuz U | Éxito |
| Resurs-F2 3 | 12 de xaneiro de 1989 | Soiuz U | Éxito |
| Resurs-F1 17F43 5 | 25 de maio de 1989 | Soiuz U | Éxito |
| Resurs-F1 17F43 6 | 27 de xuño de 1989 | Soiuz U | Éxito |
| Resurs-F1 17F43 7 | 18 de xullo de 1989 | Soiuz U | Éxito |
| Resurs-F2 4 | 15 de agosto de 1989 | Soiuz U | Éxito |
| Resurs-F1 17F43 8 | 6 de setembro de 1989 | Soiuz U | Éxito |
| Resurs-F1 17F43 9 | 29 de maio de 1990 | Soiuz U | Éxito |
| Resurs-F2 5 | 17 de xullo de 1990 | Soiuz U | Éxito |
| Resurs-F1 17F43 10 | 16 de agosto de 1990 | Soiuz U | Éxito |
| Resurs-F1 17F43 11 | 7 de setembro de 1990 | Soiuz U | Éxito |
| Resurs-F2 6 | 21 de maio de 1991 | Soiuz U | Éxito |
| Resurs-F1 17F43 12 | 28 de xuño de 1991 | Soiuz U | Éxito |
| Resurs-F1 17F43 13 | 23 de xullo de 1991 | Soiuz U | Éxito |
| Resurs-F2 7 | 21 de agosto de 1991 | Soiuz U | Éxito |
| Resurs-F2 8 | 29 de abril de 1992 | Soiuz U | Éxito |
| Resurs-F1 17F43 14 | 23 de xuño de 1992 | Soiuz U | Éxito |
| Resurs-F1 17F43 15 | 19 de agosto de 1992 | Soiuz U | Éxito |
| Resurs 500 (Zvezda Kolumba) | 15 de novembro de 1992 | Soiuz U | Éxito |
| Resurs-F2 9 | 21 de maio de 1993 | Soiuz U | Éxito |
| Resurs-F1 17F43 16 | 25 de xuño de 1993 | Soiuz U | Éxito |
| Resurs-F1 17F43 17 | 24 de agosto de 1993 | Soiuz U | Éxito |
| Resurs-O1 3 | 4 de novembro de 1994 | Zenit 2 | Éxito |
| Resurs-F2 10 | 26 de setembro de 1995 | Soiuz U | Éxito |
| Resurs-F1M 1 | 18 de novembro de 1997 | Soiuz U | Éxito |
| Resurs-O1 4 | 10 de xullo de 1998 | Zenit 2 | Éxito |
| Resurs-F1M 2 | 28 de setembro de 1999 | Soiuz U | Éxito |
| Resurs-DK 1 | 15 de xuño de 2006 | Soiuz U | Éxito |
| Resurs-P 1 | 25 de xuño de 2013 | Soiuz 2-1b | Éxito |
| Resurs-P 2 | 26 de decembro de 2014 | Soiuz 2-1b | Éxito |
| Resurs-P 3 | 13 de marzo de 2016 | Soiuz 2-1b | Éxito |
| Resurs-P 4 | 31 de marzo de 2024 | Soiuz 2-1b | Éxito |
Notas editar
- ↑ 1,0 1,1 1,2 1,3 1,4 1,5 Mark Wade (2021). "Resurs" (en inglés). Consultado o 25 de xaneiro de 2021.
- ↑ 2,0 2,1 2,2 2,3 2,4 Gunter Dirk Krebs (2021). Gunter's Space Page, ed. "Resurs-F1 (17F40)" (en inglés). Consultado o 25 de xaneiro de 2021.
- ↑ 3,0 3,1 3,2 3,3 3,4 Gunter Dirk Krebs (2021). Gunter's Space Page, ed. "Resurs-F1 (17F41)" (en inglés). Consultado o 25 de xaneiro de 2021.
- ↑ 4,0 4,1 4,2 4,3 4,4 Gunter Dirk Krebs (2021). Gunter's Space Page, ed. "Resurs-F1 (17F43)" (en inglés). Consultado o 25 de xaneiro de 2021.
- ↑ 5,0 5,1 5,2 5,3 5,4 Gunter Dirk Krebs (2021). Gunter's Space Page, ed. "Resurs-F1M (17F43M)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-F2 (17F42)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-OE (11F651)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-O1 N1, 2 (11F697)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-O1 N3 (11F697)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-O1 N4 (11F697)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-DK (46KS)" (en inglés). Consultado o 25 de xaneiro de 2021.
- ↑ Gunter Dirk Krebs (2021). Gunter's Space Page, ed. "Resurs-P 1, 2, 3, 4, 5 (47KS)" (en inglés). Consultado o 25 de xaneiro de 2021.