Resistencia térmica

A resistencia térmica dun material representa a capacidade do material de opoñerse ao fluxo da calor. No caso de materiais homoxéneos é a razón entre o grosor e a condutividade térmica do material; en materiais non homoxéneos, a resistencia é o inverso da condutancia térmica.

Resistencia térmica total

A resistencia térmica total R_t é a inversa do coeficiente de transmisión de calor dun elemento, que é a suma das resistencias térmicas superficiais e a resistencia térmica do elemento construtivo. Verifícase que:

$R_{t}={\frac {1}{K}}=Rs_{e}+Rs_{i}+R$

Capas homoxéneas

A resistencia térmica R dunha capa homoxénea de material sólido, en metro cadrado por kelvin e por vatio, vén dada por:

$R={\frac {e}{\lambda }}$

Onde $e$ é o grosor da capa (m) e ${\lambda }$ (lambda) a condutividade térmica do material, W/(K·m).

Véxase tamén

Ligazóns externas

• Táboa coa condutividade térmica dos elementos (en inglés).