Rare

Rare Limited é unha empresa británica de desenvolvemento de videoxogos e estudio de Xbox Game Studios que ten a súa sede na localidade de Twycross, en Leicestershire. Os seus xogos abranguen os xéneros de plataformas, disparos en primeira persoa, acción e aventuras, loita e carreiras. Entre os seus títulos máis populares atópanse as series Battletoads, Donkey Kong e Banjo-Kazooie, así como os títulos GoldenEye 007 (1997), Perfect Dark (2000), Conker's Bad Fur Day (2001), Viva Piñata (2006) e Sea of Thieves (2018).

Rare
Tipo	desenvolvedora de videoxogos
Forma xurídica	sociedade por accións e empresa privada
Obra salientable	Battletoads
Persoas e organizacións
Propietario/a	Xbox Game Studios
Fundador/a	Tim Stamper e Chris Stamper (en)
Matriz	Xbox Game Studios e Microsoft
Precedido por	Ultimate Play The Game
Ten en propiendade Ultimate Play The Game
Actividade
Industria	industria dos videoxogos
Produtos software
Data
Fundación	1985
Cronoloxía
← Ultimate Play The Game
Localización
52°38′N 1°29′O
País	Reino Unido
Sede	Twycross (en)
Lugar de formación	Ashby-de-la-Zouch (pt)
Contacto
Páxina WEB	rare.co.uk
Redes
[ Wikidata ]

Historia

Os irmáns Tim e Chris Stamper, quen tamén fundaron Ultimate Play the Game, estabeleceron Rare en 1985. Durante os seus primeiros anos, Rare contou co respaldo dun xeneroso orzamento de Nintendo, concentrado principalmente nos xogos de Nintendo Entertainment System (NES). Durante este tempo, Rare creou xogos exitosos como Wizards & Warriors (1987), R.C. Prol-Am (1988) e Battletoads (1991). Rare chegou a converteuse nun destacado desenvolvedor secundario de Nintendo, que chegou a posuír unha gran participación minoritaria na empresa, co lanzamento de Donkey Kong Country (1994). Ao longo da década de 1990, comezou a vender os seus xogos co nome comercial Rareware e recibiu recoñecemento internacional e eloxios da crítica por xogos como a serie Donkey Kong Country, Killer Instinct (1994), GoldenEye 007, Banjo-Kazooie (1998), Perfect Dark (2000) e Conker's Bad Fur Day (2001).

En 2002, Microsoft adquiriu Rare, que conservou a súa marca, logotipo e a maioría das propiedades intelectuais orixinais. Dende entón, Rare centrouse en desenvolver xogos exclusivamente para as consolas de videoxogos de Microsoft, incluídos Grabbed by the Ghoulies (2003), Kameo (2005), Perfect Dark Zero (2005) e Viva Piñata (2006). En 2007, os Stamper deixaron Rare para buscar outras oportunidades e, en 2010, o enfoque da compañía cambiou ao Xbox Live Avatar e ao Kinect, lanzando tres xogos de Kinect Sports. En 2015, Rare desenvolveu Rare Replay, unha compilación exclusiva de Xbox One que contén 30 dos seus xogos para celebrar o seu 30 aniversario. O xogo máis recente de Rare, Sea of Thieves, lanzouse en 2018.

Véxase tamén

Bibliografía

• Dawley, Heidi (29 de maio de 1995). "Killer Instinct for Hire". Bloomberg Businessweek. Arquivado dende o orixinal o 2 de xuño de 2017. Consultado o 17 de xullo de 2017.