Raidió Teilifís Éireann

(Redirixido desde "RTÉ")

Raidió Teilifís Éireann[1] (nome oficial en irlandés, en galego Radio Televisión de Irlanda), máis coñecida polas súas siglas RTÉ. É a empresa de radiotelevisón pública da República de Irlanda. Produce programas e retransmisións de televisión, radio e Internet. O servizo de radio comezou o 1 de xaneiro de 1926 baixo o nome de Radio Éireann, mentres que as emisións de televisión comezaron o 31 de decembro de 1961.

Logotipo actual de RTÉ
Entrada os estudos de RTÉ en Donnybrook

Radio Éireann, foi un dos 23 membros fundadores da Unión Europea de Radiodifusión no ano 1950.

RTÉ é unha corporación estatutaria controlada por unha autoridade designada polo goberno de Irlanda. A dirección xeral está en mans do Comité Executivo, encabezado polo director xeral. Participa no consorcio de Euronews.

OrixesEditar

As emisións en Irlanda comezaron no 1926 a través de 2RN en Dublín. Desde ese ano ata xuño de 1960, o servizo 2RN, máis tarde chamado Radio Éireann operou como unha sección do Departamento de Correos e Telégrafos, e os traballadores eran recoñecidos coma funcionarios polo goberno do país.

No ano 1960 RTÉ, baixo o nome Radio Éireann, quedou establecida pola Broadcasting Authority Act (Lei da Autoridade de Retransmisións) de 1960. A empresa foi transferida á nova autoridade que tamén se encargaba do novo servizo de televisión (Télifis Éireann), que operou desde o 31 de decembro de 1961. O nome foi cambiado a Radio Telefís Éireann pola Broadcasting Authority Act de 1966, e ambos servizos (radio e televisión) pasaron a ser coñecidos como RTÉ ese ano.

No ano 2009 a empresa volveu a cambiar o nome de Radio Telefís Éireann a Raidió Teilifís Éireann para reflictir a pronunciación no idioma gaélico do nome. Porén, na entrada da sede central en Dublín continúa o antigo nome gravado en pedra.

ServizosEditar

RadioEditar

TelevisiónEditar

  • RTÉ One (entrou en servizo no 1961 co nome de Telefís Éireann. Primeira cadea da televisión irlandesa)
  • RTÉ Two (segunda cadea da televisión irlandesa)
  • TG4 (canle en lingua irlandesa)

NotasEditar

  1. Broadcasting Act 2009 (véxase Capítulo 113)

Véxase taménEditar

Ligazóns externasEditar