Río Zapardiel
O Zapardiel é un río do noroeste da Península Ibérica, afluente do río Douro pola súa marxe esquerda. O seu caudal é escaso e moi contaminado nalgúns tramos. Ten unha lonxitude de 103 km percorrendo as provincias de Ávila e Valladolid, en Castela e León.
| Río Zapardiel | |
|---|---|
 O leito do río Zapardiel en Medina del Campo. | |
| País |  España |
| Nacemento | Lagoa de San Martín de las Cabezas |
| Altitude | 1.145 msnm |
| Lonxitude | 103 km |
| Conca | 1.445 km² |
| Caudal medio | 1,14 m³/s |
| Desembocadura | Río Douro |
O río Zapardiel nace na Lagoa de San Martín de las Cabezas, no municipio de El Parral (Ávila), pasa por Fontiveros e despois por Medina del Campo, para desembocar, a unha altura de 673 msnm, pola marxe esquerda, no Douro, preto de Tordesillas (Valladolid). Aínda que o Zapardiel nunca tivo un caudal permanente (salvo no inverno), nos últimos anos secouse practicamente de todo; é, polo tanto, o que se chama un río transitorio (está sempre seco agás cando hai grandes descargas torrenciais).
Actualmente está sumamente degradado debido á escorrentía de nutrientes, pesticidas e herbicidas agrícolas, as verteduras urbanas e industriais, os entullos, a sobreexplotación de acuíferos para regadío, a industria ou o consumo humano dos termos municipais polos que pasa.
