Río Neretva

O Neretva é un río que flúe por Bosnia e Hercegovina e Croacia, desaugando, neste último país, no mar Adriático, despois dun curso de 225 km. En tempos era coñecido na Europa Occidental polo seu nome italiano de río Nerenta.

Río Neretva

Tipo	río
Inicio
Continente	Europa
Final
Localización	mar Adriático
43°16′17″N 18°33′27″L B 43°01′11″N 17°26′42″L
Afluentes	Rio Buna (pt) , Bregava (en) , Rakitnica, Neretva (en) , Trebižat (en) , Rama (en) , Krupa (en)
Conca hidrográfica	conca do Adriático
Características
Dimensións	225 () km
Superficie da cunca hidrográfica	5.581 km²
Sitio Ramsar
Medicións
Caudal	378 m³/s

O Neretva ao paso por Mostar

Percorrido

O Neretva nace no macizo de Lebresnice, nos Alpes Dináricos, a 1.095 m de altura, en Hercegovina, e flúe primeiramente cara ao noroeste, para paulatinamente irse curvando cara ao sueste. Despois de pasar pola cidade de Mostar, diríxese cara á rexión da Dalmacia, xa en Croacia, desembocando na cidade de Ploča, ao norte de Dubrovnik.

O Neretva vai con frecuencia encaixado profundamente entre as montañas que corta, ocasionando gargantas como a de Tara, e só de cando en vez se abre en fértiles vales. Nos 50 últimos quilómetros forma o estuario do Neretva, nos que en parte se nota o influxo do mar.

En total o Neretva transita por Bosnia e Hercegovina durante 203 km, e só en case a décima parte do curso, flúe por Croacia.

Afluentes

Pola beira dereita:

• Rakitnica
• Rama
• Trebižat

Pola beira esquerda:

• Buna
• Bregava

Explotación

Levantouse un encoro entre as cidades bosníacas de Jablanica e Mostar, e cuxa cola é coñecida como o lago de Jablanica. O río é navegábel desde a desembocadura até Metković, xusto na fronteira bosníaco-croata.

Véxase tamén

Outros artigos

• Batalla do Neretva
• Mostar