Río Boeza

O río Boeza é un río leonés, afluente do Sil pola súa marxe esquerda.

Río Sil
País	España
Nacemento	Murias de Paredes
Lonxitude	62 Km
Caudal medio	? m³/s
Desembocadura	Río Sil

Descrición

Fontes

Nace preto do Pico de Rebezo, no concello de Murias de Paredes, no linde entre as comarcas do Bierzo e a Laciana.

Percorrido

Ten un percorrido de 62 Km, con dirección inicial sueste e despois suroeste. Pasa pola localidade de Bembibre e conflúe co Sil en Ponferrada. A bacía do Boeza ocupa un total de 867 Km².

Afluentes

Os seus tributarios principais son:

Pola beira esquerda:

• Río Tremor.
• Río Meruelo.

Pola beira dereita:

• Río Noceda.
• Río Losada.

Réxime hídrico

O Boeza é un río de réxime pluvio-nival.

Aproveitamento

O Boeza comparte co Sil o encoro de Bárcena, de produción hidroeléctrica e construído en 1960 cunha capacidade de 341 Hm³. O desvío das augas do Boeza para esa presa provoca problemas de esgotamento severo do seu leito nos meses estivais.