Queensrÿche

Queensrÿche é unha banda estadounidense de heavy metal formada no ano 1980 en Bellevue, Washington a partir do conxunto local The Mob.[1] Nos seus máis de 40 anos de carreira o grupo publicou 15 álbums de estudio, un EP, e varios DVDs, e continúa xirando e gravando. A formación orixinal estaba composta polos guitarristas Michael Wilton e Chris DeGarmo, o batería Scott Rockenfield, o baixista Eddie Jackson, e o vocalista Geoff Tate.

Queensrÿche
Queensryche London Bridge Studios.jpg
A banda nos London Bridge Studios en 2012
OrixeBellevue, Washington, Flag of the United States.svg
Período1980 - presente
Xénero(s)heavy metal, metal progresivo
Selo(s) discográfico(s)206, EMI, Atlantic, Atco, Sanctuary, Rhino, Roadrunner, Century Media
MembrosMichael Wilton
Eddie Jackson
Mike Stone
Todd La Torre
Casey Grillo
Antigos membrosChris DeGarmo
Geoff Tate
Scott Rockenfield
Kelly Gray
Parker Lundgren
Artistas relacionadosSlave to the System, Operation: Mindcrime, Sledgeback, Ronnie James Dio
Na rede
queensrycheofficial.com
IMDB: nm1917203 Facebook: QueensrycheOfficial Twitter: queensryche Instagram: queensrycheofficial MySpace: queensrycheofficial Youtube: UCdFlB6czBDaZhHPD7NhvEyw Souncloud: queensryche Spotify: 2OgUPVlWYgGBGMefZgGvCO Last fm: Queensrÿche Musicbrainz: deeea939-7f89-4762-b09f-79269cd70d3b Songkick: 39576 Discogs: 255363 Allmusic: mn0000315339 Deezer: 6016 Genius: Queensryche Editar o valor em Wikidata

Queensrÿche vendeu máis de 20 millóns de álbums en todo o mundo, 6 deles nos Estados Unidos. A banda está considerada uha das líderes da escena do metal progresivo de mediados e finais dos anos 80, e adoita a considerarse unha das "tres grandes" do xénero, xunto con Dream Theater e Fates Warning.[2] A banda foi aclamada en todo o mundo tras o lanzamento do seu álbum de 1988 Operation: Mindcrime, que adoita a ser considerado un dos mellores álbums conceptuais do heavy metal. O seu seguinte traballo, Empire (1990), tamén tivo moito éxito e incluía o famoso sinxelo "Silent Lucidity". A banda foi nomeada a tres premios Grammy por cancións destes dous discos.

En 1998 o guitarrista e principal compositor Chris DeGarmo deixou a banda por motivos persoais, regresando brevemente en 2003 para compoñer e gravar o álbum Tribe. En distintos momentos DeGarmo foi substituído polos músicos Kelly Gray, Mike Stone, e Parker Lundgren. Tras un altercado moi soado nos camerinos antes dun concerto en São Paulo en abril de 2012, Tate foi despedido e substituído polo entón cantante de Crimson Glory Todd La Torre. Como resposta ao seu depido, Tate e a súa muller Susan (que foi a representante da banda de 2005 a 2012) presentaron unha demanda nun tribunal de Washington, alegando que fora despedido inxustamente. O fallo das medidas cautelares ditou que as dúas partes podían usar o nome Queensrÿche ata que un fallo xudicial ou un acordo decidiran quen usaría o nome.[3] O 17 de abril de 2014 chegouse ao acordo polo cal os membros fundadores Wilton, Rockenfield e Jackson quedaban cos dereitos do nome da banda, continuando as actuacións coa formación que incluía ademais ao vocalista La Torre e ao guitarrista Lundgren.[4]

Durante o tempo que as dúas partes puideron usar o nome Queensrÿche, Tate creou a súa propia formación co antigo guitarrista Kelly Gray e músicos de bandas como Blue Öyster Cult, Ozzy Osbourne, Whitesnake, Dio, AC/DC e Quiet Riot.[5] Esta versión de Queensrÿche con Geoff Tate publicou o álbum Frequency Unknown o 23 de abril de 2013,[6] mentres que Queensrÿche (con La Torre substituíndo a Tate) publicou o seu álbum epónimo o 24 de xuño dese mesmo ano.[7] As dúas banda estiveron de xira en 2013 e 2014.[8][9]

DiscografíaEditar

ÁlbumsEditar

Álbum Ano Selo
The Warning 1984 EMI
Rage for Order 1986 EMI
Operation: Mindcrime 1988 EMI
Empire 1990 EMI
Promised Land 1994 EMI
Hear in the Now Frontier 1997 EMI
Q2K 1999 Atlantic Records
Tribe 2003 Sanctuary Records
Operation: Mindcrime II 2006 Rhino Entertainment
Take Cover 2007 Rhino Entertainment
American Soldier 2009 Rhino Entertainment
Dedicated to Chaos 2011 Roadrunner Records
Queensrÿche 2013 Century Media Records
Condition Hüman 2015 Century Media Records
The Verdict 2019 Century Media Records

NotasEditar

  1. "Queensrÿche Biography, Songs, & Albums". AllMusic (en inglés). Consultado o 2022-01-08. 
  2. "Progressive Metal, a progressive rock music sub-genre". Progarchives.com (en inglés). Consultado o 2022-01-08. 
  3. Childers, Chad. "Geoff Tate Wins Court Ruling to Continue Using Queensryche Name". Loudwire (en inglés). Consultado o 2022-01-08. 
  4. Blabbermouth (2014-04-28). "It's Official: JACKSON, ROCKENFIELD And WILTON Will Be Sole Entity Recording And Touring As QUEENSRŸCHE". BLABBERMOUTH.NET. Consultado o 2022-01-09. 
  5. "Geoff Tate's Queensryche Signs With Cleopatra Records; Announces New Lineup". VVN Music. Arquivado dende o orixinal o 09 de xaneiro de 2022. Consultado o 2022-01-09. 
  6. Blabbermouth (2013-03-04). "GEOFF TATE's QUEENSRŸCHE: New Album Details Revealed". BLABBERMOUTH.NET. Consultado o 2022-01-09. 
  7. "Queensrÿche - Facebook". www.facebook.com. Consultado o 2022-01-09. 
  8. "queensrycheofficial.com - Tour". web.archive.org. 2013-01-03. Consultado o 2022-01-09. 
  9. "QUEENSRYCHE TO EMBARK ON 25TH ANNIVERSARY TOUR OF BAND’S EPIC RELEASE, OPERATION: MINDCRIME, WITH NEWLY ANNOUNCED LINE-UP | Queensryche". web.archive.org. 2013-01-06. Consultado o 2022-01-09. 

Véxase taménEditar

Ligazóns externasEditar