Proba-3

A Misión PROBA-3 da ESA é unha misión espacial que pretende probar a operación de satélites en formación, na procura de medios para operar no espazo misións que requiren de grandes dimensións, que non poden ser soportadas por unha única nave. Prepara así misións multisatélites operando como unha única estrutura virtual.

Proba-3
Tipo	misión espacial e entidade proposta
Na rede
https://www.esa.int/Enabling_Support/Space_Engineering_Technology/Proba_Missions/About_Proba-3
[ editar datos en Wikidata ]

Evolución de Modelos de Proba-3, amosando os dos satélites.

Está formada por dous satélites, Coronagraph e Occulter, que manterán a formación cunha precisión duns poucos milímetros e segundos de arco a distancias de 144 m ou máis por máis de seis horas cada vez no apoxeo, o que farán de xeito autónomo, sen guía dende Terra.

O seu lanzamento está previsto para 2024. A súa órbita será moi elíptica, de 600 km x 60 530 km cunha inclinación duns 59 º .

Fará observacións científicas usando un coronógrafo solar xigante que bloqueará a luz cegadora do disco solar para ter vista continua da coroa solar.

Ligazóns externas

• Web oficial
• eoPortal PROBA-3 page Arquivado 30 de xaneiro de 2022 en Wayback Machine.