Abrir o menú principal

A Primeira Batalla do Marne foi unha batalla da Primeira Guerra Mundial, producida entre o 5 e o 12 de setembro de 1914 preto de París. A vitoria caeu do lado aliado e freou o avance alemán a través de Francia. Fixo ademais imposible a rápida vitoria xermana na guerra e supuxo o estancamento das tropas nas trincheiras.

Primeira Batalla do Marne
Battle of the Marne - Map.jpg
Plano da Primeira Batalla do Marne.
Data: 3 - 12 de setembro de 1914
Lugar: Río Marne ,ás aforas de París, Francia
Conflito: Primeira Guerra Mundial
Resultado: Vitoria decisiva estratéxica de Francia e do Imperio Británico
Combatentes
Flag of the United Kingdom.svg Reino Unido
Flag of France.svg República Francesa
Flag of the German Empire.svg Imperio Alemán

Antecedentes da batallaEditar

As batallas iniciais favoreceron aos alemáns, que atravesaron Bélxica e penetraron en Francia. Ademais, repeliron o ataque francés a través de Alsacia e Lorena. A finais de agosto, os exércitos aliados tiveron que repregarse cara París e cara a costa do Canal da Mancha. Nos primeiros días de setembro, os exércitos imperiais alemáns I e II despregaron a artillería en torno a París e comezaron o bombardeo. Non obstante deixaron expostos os flancos e os aliados organizaron rapidamente as forzas de contraataque. Segundo os plans aliados, o VI Exército galo e o Corpo Expedicionario Británico liderarían a ofensiva.

BatallaEditar

As tropas aliadas decidiron atacar no oco que quedaba entre os dous exércitos alemáns o 6 de setembro, rematando a loita dous días despois. O día 8 o Xeneral Franchet d’Esperey, ao mando do V Exército, atacou de novo ao II Exército alemán. O ataque resultou exitoso. D’Esperey foi alabado polo seu espírito ofensivo e substituíra había pouco ao Xeneral Lanrezac, que fora degradado polo seu espírito poco combativo, segundo Joffre. Cabe salientar que parte dos efectivos franceses (uns 6.000 homes) foron trasladados de París á fronte en taxis.

Para o 9 de setembro, a situación era moi complicada para os dous exércitos xermanos, xa que podían ser envoltos e atacados en calquera momento. Os alemáns tiveron que retroceder 65 km ata o río Aisne, onde se construíron as primeiras trincheiras da guerra, que se manterían ata 1918.

ConsecuenciasEditar

A derrota alemá supuxo o fracaso do Plan Schlieffen e polo tanto, desapareceu toda posibilidade dunha vitoria rápida. Ademais, isto provocaba que o Imperio Alemán debería establecer dúas frontes: unha occidental contra ingleses e franceses, e unha oriental, contra o Imperio Ruso.

Dos dous millóns de soldados que interviron na Primeira Batalla do Marne, aproximadamente medio millón morreron.