Abrir o menú principal
La Malva-rosa

A praia de La Malva-rosa (en valenciano: Platja de la Malva-rosa) é a praia urbana por excelencia de Valencia. Ten unha lonxitude de 1.800 m, cunha anchura media de 60 m e dispón da Bandeira Azul da Fundación Europea de Educación Ambiental.

O seu nome, así como o do barrio situado xunto a ela, data de 1848 e débese a un xardineiro, Félix Robillard, quen por aquel entón exercía o cargo de xardineiro maior do Botánico. A praia, que nos tempos antigos era utilizada para desembarcar a pesca e o intercambio de comercio entre os diferentes poboados próximos á capital, foise convertendo en lugar de descanso da burguesía valenciana. Entre os seus ilustres veraneantes atopábanse Joaquín Sorolla e Vicente Blasco Ibáñez.

Na actualidade, esta ampla e aberta praia, de area fina e dourada, presenta un aspecto moi animado tanto na propia praia, pola calidade e cantidade de servizos que ofrece como no Paseo Marítimo que a delimita, cuxa construción comezou en 1980, e que alberga restaurantes e cafeterías. Dispón de postos de socorrismo e unha zona adaptada para o baño das persoas de mobilidade reducida.

Véxase taménEditar

Ligazóns externasEditar