Pokémon Trading Card Game (videoxogo)
Pokémon Trading Card Game, estreado orixinalmente no Xapón como Pokémon Card GB (ポケモンカードGB Pokemon Kādo Jī Bī?) é un videoxogo que é unha adaptación do xogo de cartas coleccionables do mesmo nome, que á súa vez está baseado na serie de videoxogos de Pokémon. Desenvolvido por Hudson Soft e publicado por Nintendo, lanzouse no mercado nipón en decembro de 1998. A versión en inglés apareceu en Norte América en abril de 2000 e en Europa o decembro seguinte.
| Pokémon Trading Card Game | |
|---|---|
| Desenvolvedor(es) | Hudson Soft |
| Distribuidora(s) | Nintendo |
| Lanzamento | 18 de decembro de 1998 |
| Xénero | Xogo de cartas |
| Modos de xogo | Un xogador Multixogador |
| Plataforma(s) | Game Boy Color |
| Serie | Pokémon |
| [ editar datos en Wikidata ] | |
Un segundo xogo para Game Boy Color, Pokémon Card GB2: Great Rocket-Dan Sanjō! (ポケモンカードGB2 GR団参上！ Pokémon Card GB2: Here Comes Team Great Rocket!?), foi estreado no Xapón en marzo de 2001. O xogo non foi estreado nin en Norte América nin en Europa. Un engadido da secuela é a posibilidade de escoller o xénero da personaxe do xogador.