Paul Arizin

baloncestista estadounidense

Paul Joseph Arizin, nado o 9 de abril de 1928 en Filadelfia, Pensilvania, e finado o 12 de decembro de 2006 en Springfield, Pensilvania, foi un xogador de baloncesto profesional estadounidense que pasou a súa carreira enteira na National Basketball Association nos Philadelphia Warriors.

Paul Arizin
Posición Ala/Escolta
Dorsal 11
Altura 1,93 m (6 ft 4 in)
Peso oficial 86 kg (190 lb)
Nacemento 9 de abril de 1928
Flag of Pennsylvania.svg Filadelfia, Pensilvania
Morte 12 de decembro de 2006 (78 anos)
Springfield, Pensilvania
Carreira
Universidade Villanova
NBA Draft 1950 / Elección: Territorial
Por Philadelphia Warriors
Tempadas 19501965
Equipo(s)
Estatísticas (NBA)
Puntos     16 266
Rebotes     6 129
Asistencias     1 665
Stats @ Basketball-Reference.com
Premios
Basketball Hall of Fame como xogador

TraxectoriaEditar

Tras ser seleccionado polos Warriors coa súa primeira elección do Draft da NBA de 1950, Arizin acadou 17.2 puntos por partido na súa tempada coma rookie e foi nomeado Rookie do Ano da NBA, unha designación que aínda non fora aprobada pola NBA na tempada 1950-51. Foi o máximo anotador da liga nas tempadas 1951-52 e 1956-57, e se converteu nun dos mellores xogadores da liga nos anos 50. Non xogou nas tempadas 1952-53 e 1953-54 debido ó servizo militar na mariña estadounidense durante a guerra de Corea.[1]

Liderou aos Warriors para conseguir o campionato na tempada 1955-56, onde formou unha gran parella con Neil Johnston. Xogou tamén co gran anotador Joe Fulks a comezos da súa carreira, e coas lendas de Philadelphia Tom Gola e Wilt Chamberlain cara o final da súa carreira a comezos dos anos 60. Arizin preferiu retirarse da NBA antes que trasladarse cos Warriors a San Francisco.

Tras deixar a NBA, Arizin xogou tres tempadas na Eastern Professional Basketball League cos Camden Bullets, onde gañou o título en 1964.

Arizin xogou o NBA All-Star Game en 10 ocasións, e foi o MVP do partido de 1952. Foi elixido no primeiro equipo All-NBA en 1952, 1956 e 1957. Foi incluído no Basketball Hall of Fame en 1978.[2] Finou á idade de 78 anos o 12 de decembro de 2006, en Springfield, Pensilvania.

NotasEditar

  1. "Paul Arizin Bio". NBA.com. Consultado o 2007-06-15. 
  2. "Hall of Famers". Basketball Hall of Fame. Arquivado dende o orixinal o 08 de outubro de 2012. Consultado o 2009-08-02. 

Véxase taménEditar

Ligazóns externasEditar