Partido Galego do Proletariado
O Partido Galego do Proletariado (PGP) foi un partido galego independentista e marxista-leninista formado en marzo de 1978 ao adoptar ese nome a Unión do Povo Galego-liña proletaria que se consideraba continuadora da Unión do Povo Galego. O Comité Central actuaba na clandestinidade e os militantes descoñecían a súa identidade. Era partidario da loita armada, que consideraba antiimperialista e antioligárquica. O seu voceiro chamábase Sempre en Galicia.
| Partido Galego do Proletariado (PGP) | |
|---|---|
| Partido político desaparecido de Galiza | |
 | |
| Historia | |
| Fundación | 1978 |
| Disolución | 1980 |
| Posicións políticas | |
| Ideoloxía | Marxismo-leninismo Independentismo galego |
| Posición política | Esquerda |
| Representación | |
| Representación | - |
| Publicación | Sempre en Galicia |
Historia
editarO partido foi fundado en 1978 como continuación da Unión do Pobo Galego-liña proletaria, unha organización política formada por disidentes da Unión do Povo Galego, liderados por Xosé Luís Méndez Ferrín e Luís Soto[1], que querían que o partido adoptase unha liña abertamente independentista, anti-institucional e partidaria da loita armada.
En 1979 Unidade Galega incluíu como candidatos independentes a militantes do PGP nas eleccións municipais, co que o PGP conseguiu que tres dos seus membros saíran elixidos concelleiros (Santiago de Compostela, Monforte de Lemos e Vilaboa). Tamén constituíu unha plataforma que concorriu ás eleccións municipais no concello de Vigo e que posteriormente se transformou na súa propia fronte asemblearia, Galicia Ceibe-OLN e a súa fronte armada, a Loita Armada Revolucionaria, o que provocou que en 1980 a policía detivera a varios dirixentes, entre eles Xosé Luís Méndez Ferrín. Ademais tivo unha notábel influencia na Confederación Sindical Galega. O partido deixou de existir de facto en 1980, cando se integrou en Galiza Ceive-OLN[2].
Véxase tamén
editarReferencias e ligazóns externas
editar- Cilia Torna. «A prehistoria da UPG (LP) e do PGP Arquivado 05 de marzo de 2016 en Wayback Machine.». Sermos Galiza.
- ↑ Diéguez Cequiel, Uxío-Breogán. "Galiza e o nacionalismo galego frente a Transición. Entre a ruptura democrática ea españa das autonomías. Da Asemblea Nacional-Popular Galega (AN-PG). Á realidade galega." Mobilitzacions socials i esquerra radical: Actes del II Congrés Les altres protagonistes de la Transició Barcelona, 11 a 13 d'octubre de 2019 (2020): 788-830. Dispoñíbel en: https://ddd.uab.cat/pub/caplli/2020/266395/20191011_II_Congres_Les_Altres_Protagonistes_digitalp788.pdf
- ↑ "Galicia Ceibe". Enciclopedia Galega Universal.
|
Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |