Parque do Capricho

Coordenadas: 40°27′22″N 3°35′55″O / 40.45611, -3.59867

O Parque do Capricho é un parque e zona verde situado no barrio da Alameda de Osuna, no distrito de Barajas, ao nordés da cidade de Madrid. Foi mandado construír pola duquesa de Osuna entre 1787 e 1839. Conta cunha superficie de 14 hectáreas.

Casa de la Vieja.

Está considerado un dos parques máis belos da cidade. Dos seus recunchos destacan a praza do Capricho, o Palacio, o estanque, a praza dos Emperadores, ou a fonte dos Delfines e das Ranas.

Atribúenselle referencias inglesas, francesas e italianas, da época en que foi construído, as cales son reflexo das influencias artísticas dos deseñadores do parque. Constitúe o único xardín do Romanticismo existente en Madrid. Mostras diso son o labirinto de arbustos, os edificios, como o palacete, a pequena ermida, ou o fermoso salón de baile, ademais dos pequenos ríos que o percorren e estanques, onde se poden atopar cisnes e patos.

Véxase tamén editar