Condado de Pärnu

O condado de Pärnu ou Pärnumaa (en estoniano: Pärnu maakond ou Pärnumaa) é un dos 15 condados ou maakond de Estonia. Está situado na parte suroccidental do país á beira do golfo de Riga. Limita ao norte cos condados de Lääne e Rapla, ao leste cos de Järva e Viljandi e ao sur con Letonia. No ano 2024 o condado tiña unha poboación de 87 891 habitantes.

Imaxe da cidade de Pärnu, capital do condado homónimo

Condado de Pärnu

Localización
58°25′00″N 24°35′00″L
País	Estonia
Capital	Pärnu
Poboación
Poboación	87.418 (2023) (16,13 hab./km²)
Xeografía
Superficie	5.418,73 km²
Comparte fronteira con	Condado de Lääne Concello de Aloja Concello de Salacgrīva Condado de Saare concello de Mazsalaca Condado de Järva Condado de Viljandi Condado de Rapla Municipio de Limbaži
ISO 3166-2	EE-68

O condado de Pärnu é o condado máis grande de Estonia en termos de superficie terrestre.

Goberno rexional

A reforma administrativa en Estonia aboliu os gobernos dos condados a finais de 2017. Antes diso, o goberno do condado (en estoniano Maakonnavalitsus) estaba dirixido por un gobernador ou maavanem, que era nomeado polo goberno de Estonia por un período de cinco anos.

Municipios

O condado está subdividido en municipios. Tras a reforma administrativa de 2017 pasou de ter 2 municipios urbanos e 19 rurais a quedar dividido en tan só un municipio urbano (estoniano linnad - cidades) e seis concellos rurais (estoniano: vallad - comunas).

Rango	Concello	Tipo	Poboación (2024)	Área km2	Densidade
1	Häädemeeste	rural	4 725	494	9,6
2	Kihnu	rural	520	17	30,6
3	Lääneranna	rural	5 019	1 352	3,7
4	Põhja-Pärnumaa	rural	8 027	1 013	7,9
5	Pärnu	urbano	52 703	855	61,6
6	Saarde	rural	4 386	1 065	4,1
7	Tori	rural	12 511	611	20,5

Véxase tamén

Ligazóns externas

• Pärnumaa - Páxina oficial