Oskar Matute

político español

Oskar Matute García de Jalón, nado en Barakaldo o 5 de outubro de 1972, é un político nacionalista vasco. Dende 2009, lidera Alternatiba, partido político integrado en Euskal Herria Bildu. Anteriormente foi membro do Parlamento Vasco por Ezker Batua-Berdeak, entón o referente vasco de Esquerda Unida, partido no que militou cunha certa relevancia nos medios.

Oskar Matute
Oskar Matute.JPG
Nacemento5 de outubro de 1972
 Barakaldo
NacionalidadeEspaña
Alma máterUniversidade do País Vasco
Ocupaciónpolítico
editar datos en Wikidata ]

TraxectoriaEditar

Diplomado en Empresariais pola Universidade do País Vasco, Matute iniciouse no activismo social a través dos movementos de insubmisión ao servizo militar e o movemento pacifista Elkarri.[1] Ademais é membro da Fundación Vento Sur, a Fundación Gogoa e Comisións Obreiras.

Foi coordinador da Presidencia de Ezker Batua-Berdeak e da Presidencia Federal de Esquerda Unida, e foi membro do Parlamento Vasco nas VII e VIII lexislaturas. En ámbalas dúas exerceu como vicepresidente da Comisión de Ordenación Territorial, Transportes e Medio Ambiente; na VIII, ocupou ademais o cargo de Presidente da Comisión de Control Parlamentario de Euskal Irrati Telebista.

Incorporouse á dirección de Ezker Batua en representación do colectivo Ekaitza, xurdido en 1993 como unha corrente interna partidaria do soberanismo vasco, o dereito de autodeterminación, os movementos sociais alternativos e a participación cidadá nas decisións políticas. Por mor da participación de Ezker Batua no Pacto de Estella de 1998, a corrente Ekaitza transformouse en Batzen, da que tamén foi voceiro.[2] Por aquel entón, Matute tamén era membro de Espazo Alternativo dentro de Esquerda Unida.[3]

En 2008 encabezou a única candidatura alternativa na VII Asemblea de Ezker Batua e que foi apoiada polos sectores críticos Batzen e Encontro Plural Alternativo;[4] pero o Partido Comunista de Euskadi, que até entón se mostrou discrepante coa dirección, optou por apoiar a candidatura principal, co que finalmente se ratificou de novo a Javier Madrazo como coordinador xeneral, cargo do que dimitiu ante os malos resultados electorais que obtivo a súa formación nas eleccións ao Parlamento Vasco de 2009.[5]

Paralelamente participou na fundación de Alternatiba Eraikitzen ('construíndo a alternativa', en éuscaro), inicialmente unha organización sociopolítica que pretendía refundar a esquerda vasca e que se constituíu en partido político co nome de Alternatiba, abandonando definitivamente Ezker Batua, en abril de 2009. Alternatiba, que se define como un partido soberanista e de esquerdas,[6] en 2011 integrouse na coalición electoral Bildu xunto con Eusko Alkartasuna e independentes da esquerda abertzale.[7] Nas eleccións municipais de 2011 Oskar Matute pechou a lista de Bildu en Barakaldo.

Nas eleccións ao Parlamento Vasco de 2012 resultou electo como integrante da lista da coalición Euskal Herria Bildu (EH Bildu) pola circunscrición de Biscaia.[8] Nas eleccións de 2016 encabezou a lista de EH Bildu ao Congreso por Biscaia, resultando elixido deputado, polo que foi substituído no Parlamento Vasco pola avogada Jone Goirizelaia.[9] Repitiu escano nas eleccións de 2019.

NotasEditar

  1. Unai Morán. «Oskar Matute: "Vamos a mostrar el respeto que se merecen todas las víctimas"». El País. 16 de decembro de 2011.
  2. José Ramón Castaños. «Los nuevos dilemas de Ezker Batua». Hika. 5 de novembro de 2004.
  3. «Espacio Alternativo, nueva corriente en la coalición». El País. 28 de xuño de 1998.
  4. Ignacio Medrano. «Los críticos de EB cuestionan a Madrazo y piden que una gestora prepare su asamblea». El Correo. 5 de abril de 2008.
  5. Ignacio Medrano.
  6. «Los críticos abandonan EB e inician su andadura como 'Alternatiba Eraikitzen'». Europa Press. 29 de abril de 2009.
  7. Txisko Fernández. «Bildu acude a las elecciones con un proyecto a largo plazo Arquivado 25 de agosto de 2012 en Wayback Machine.». Gara. 4 de abril de 2011.
  8. «EH Bildu apuesta por "un Ejecutivo que traiga el cambio a este país"». Gara. 10 de setembro de 2012.
  9. David Yurre. «Jone Gorizelaia vuelve al Parlamento vasco». Cadena SER. 18 de junio de 2016.