Organización territorial de Israel

A organización territorial de Israel baséase en tres niveis de goberno: o goberno central, os distritos e os municipios.

Distritos de Israel

Israel está dividido administrativamente en seis distritos principais, coñecidos en lingua hebrea como mehozot (singular: mehoz) e 15 sub-distritos, coñecidos como nafot (singular: nafa) que se subdividen á súa vez en 50 rexións naturais. Os distritos están dirixidos por un funcionario designado polo Ministerio do Interior.

Densidade de poboación por rexión xeográfica, sub-distrito e distrito.

Distrito	Capital	Área	Poboación
Distrito Central	Ramla	1.293 km²	1.976.300 (2013)
Distrito de Haifa	Haifa	864 km²	951.900 (2013)
Distrito de Xerusalén	Xerusalén	652 km²	1.008.400 (2013)
Distrito Meridional	Bersebá	14.231 km²	1.168.600 (2013)
Distrito Norte	Nazaret	4.478 km²	1.341.500 (2013)
Distrito de Tel Aviv	Tel Aviv-Yafo	176 km²	1.331.300 (2013)
Xudea e Samaria(*)	Ariel	5.878 km²	Xudeus: 376.500 Palestinos: aproximadamente 2.1 millóns

(*)A área de Xudea e Samaria (Cisxordania) é considerada internacionalmente parte dos territorios palestinos.

Sub-distritos

Norte: Safed, Kinneret, Yizre'o, Acre, Altos do Golán.

Haifa: Haifa (Mehoz Hefa) Hadera

Central: Sharon, Petah Tiqwa, Ramla, Rehovot,

Sur: Ascalón, Bersheva,

Rexións naturais

As rexións naturais son unidades non administrativas que utiliza o Goberno para cuestións estatísticas e para o censo de poboación.

Territorios disputados

En canto aos territorios en disputa, os Altos do Golán están integrados administrativamente no Distrito Norte, os asentamentos israelís en Cisxordania na área de Xudea e Samaria, e Xerusalén Leste no Distrito de Xerusalén.

Municipios

O Ministerio de Interior israelí recoñece catro tipos de goberno local:

• As cidades, que adoitan ter máis de 20.000 habitantes. Actualmente hai 71.
• Os consellos locais, que administran poboacións entre 2000 e 20.000 habitantes. Actualmente hai 141.
• Os consellos rexionais, que administran grupos de pobos de menos de 2000 habitantes. Actualmente hai 54.
• Os consellos industriais, que administran grandes e complexas áreas industriais fose das cidades. Hai dous consellos industriais locais: Tefen na Alta Galilea (ao norte de Carmiel) e Ramat Hovav no Néguev (ao sur de Beerseba).

As eleccións municipais celébranse cada cinco anos, e calquera residente maior de 18 anos pode votar, sexa ou non israelí. Para ser elixido alcalde hai que ter máis de 21 anos.

Os municipios son os encargados da educación, a sanidade e a saúde públicas, a xestión da auga, o mantemento da rede viaria, os parques e as brigadas de bombeiros. Tamén se encargan de recadar os impostos locais.

Véxase tamén

Outros artigos

• Lista de cidades de Israel

Ligazóns externas

• Distritos, subdistritos, rexións naturais e lagos de Israel (en inglés) e (en hebreo)