Ohsumi

Ohsumi foi unha serie de satélites artificiais xaponeses lanzados entre 1966 e 1970. Só un chegou a órbita, converténdose no primeiro satélite xaponés en ser orbitado mediante un foguete indíxena.^[1]^[2]

Características editar

Os satélites Ohsumi consistían nun conxunto reducido de instrumentos (acelerómetros, un termómetro e varios transmisores) acaroados á cuarta etapa dun foguete L-4S. Ían equipados con varias antenas e a alimentación eléctrica era proporcionada por unha batería de cinc e óxido de prata cunha capacidade de 5 Ah. Tiñan unha masa de 24 kg.^[1]^[2]

Lanzáronse catro satélites Ohsumi entre 1966 e 1969 que non conseguiron chegar a órbita por diversos fallos do foguete lanzador. A quinta unidade, coñecida xa simplemente como Ohsumi, conseguiu entrar en órbita o 11 de febreiro de 1970, recibíndose o seu sinal dúas horas e media tras chegar ao espazo. O satélite funcionou ata a súa sétima órbita e reentrou na atmosfera terrestre o 2 de agosto de 2003.^[1]^[2]

Historial de lanzamentos editar

Misión^[1]^[2]	Data de lanzamento^[1]^[2]	Foguete lanzador^[1]^[2]	Notas^[1]^[2]
Ohsumi nº 1	26 de setembro de 1966	L-4S	Fallo
Ohsumi nº 2	20 de decembro de 1966	L-4S	Fallo
Ohsumi nº 3	13 de abril de 1967	L-4S	Fallo
Ohsumi nº 4	22 de setembro de 1969	L-4S	Fallo
Ohsumi nº 5	11 de febreiro de 1970	L-4S	Éxito

Notas editar

↑ ^1,0 ^1,1 ^1,2 ^1,3 ^1,4 ^1,5 ^1,6 Mark Wade (2020). "Ohsumi" (en inglés). Consultado o 18 de novembro de 2020.
↑ ^2,0 ^2,1 ^2,2 ^2,3 ^2,4 ^2,5 ^2,6 Gunter Dirk Krebs (2020). Gunter's Space Page, ed. "Ohsumi" (en inglés). Consultado o 18 de novembro de 2020.

Véxase tamén editar

Outros artigos editar

L-4S

[astronautix-1] 1,0 ^1,1 ^1,2 ^1,3 ^1,4 ^1,5 ^1,6 Mark Wade (2020). "Ohsumi" (en inglés). Consultado o 18 de novembro de 2020.

[gunter-2] 2,0 ^2,1 ^2,2 ^2,3 ^2,4 ^2,5 ^2,6 Gunter Dirk Krebs (2020). Gunter's Space Page, ed. "Ohsumi" (en inglés). Consultado o 18 de novembro de 2020.

[1]

[2]