O muiñeiro ouveador
O muiñeiro ouveador[1] (en finés: Ulvova mylläri) é unha novela do finlandés Arto Paasilinna publicada en 1981. O libro foi traducido a diversas linguas, e en 1982 foi levado ao cinema co título homónimo de Ulvova mylläri.
| O muiñeiro ouveador | |
|---|---|
| Título orixinal | Ulvova mylläri |
| Autor/a | Arto Paasilinna |
| Orixe | Finlandia |
| Lingua | Finés |
| Colección | Contemporánea |
| Xénero(s) | Novela |
| Editorial |  WSOY Rinoceronte Editora |
| Data de pub. | 1981 2007 |
| Formato | Rústica con lapelas |
| Páxinas | 252 |
| ISBN | ISBN 978-84-935375-8-6 (gl) |
| Tradución | Tomás González Ahola |
| [ editar datos en Wikidata ] | |
Foi traducida ó galego por Tomás González Ahola[2] e foi publicada pola editorial Rinoceronte Editora no ano 2007.
Argumento
editarA trama está ambientada en Laponia despois da Segunda guerra mundial. O personaxe principal é Gunnar Huttunen, un muiñeiro que adoita ouvear polas noites, facendo ladrar aos cans, e que aínda que ás veces se comporta dun xeito louco, é un bo home traballador no seu muíño á beira do río Kemi, en Suukoski.
A maioría dos seus veciños comezan a pórse a mal con el pola súa forma de ser. Finalmente mándano para un manicomio, e cólleno cando se estaba empezando a namorar dunha veciña, Sanelma Käyrämö, unha asesora agrícola, e pintando o muíño de vermello. No hospital mental atopouse cun home san ingresado e que lle axudou a escapar de alí. Volve á aldea mais ten que andar de eremita no monte para que non o volvan meter no manicomio.
Notas
editar- ↑ O muiñeiro ouveador. Traducido por Tomás González Ahola (1ª ed.). Cangas: Rinoceronte Editora. 2007. ISBN 978-84-935375-8-6 – vía Biblioteca da Tradución Galega.
- ↑ Rinoceronte Editora (ed.). "O muiñeiro ouveador por Rinoceronte Editora". Arquivado dende o orixinal o 04 de xuño de 2019. Consultado o 20 de novembro de 2019.
Véxase tamén
editarLigazóns externas
editar- Ficha en www.culturalgalega.org
- Ficha Arquivado 26 de xullo de 2018 en Wayback Machine. na web da editorial