Noite na terra
Noite na terra[1] (en inglés: Night on Earth) é un filme estadounidense de Jim Jarmusch que se estreou en 1991. Nel preséntanse cinco historias transcorridas simultaneamente durante unha noite en diferentes cidades do mundo: Os Ánxeles, Nova York, París, Roma e Helsinqui. Os acontecementos cóntanse cidade por cidade, unha a unha, na orde dita, e teñen en común que tratan sobre unha relación entre a relación dun taxista co seu ou seus clientes. A banda sonora de Night on Earth foi producida e composta maiormente por Tom Waits.
| Noite na terra | |
|---|---|
| Ficha técnica | |
| Título orixinal | Night on Earth |
| Director | Jim Jarmusch |
| Produtor | Jim Jarmusch |
| Guión | Jim Jarmusch |
| Intérpretes | Gena Rowlands Winona Ryder Roberto Benigni |
| Música | Tom Waits |
| Fotografía | Frederick Elmes |
| Montaxe | Jay Rabinowitz |
| Distribuidora | Fine Line Features |
| Estrea | 1991 |
| Duración | 129 minutos |
| Orixe |  Estados Unidos |
| Xénero | Comedia |
| Recadación | $2.015.810 |
| Na rede | |
           | |
Sinopse editar
Os Ánxeles editar
A taxista Corky (Winona Ryder) recolle no aeroporto á executiva e directora de cásting Victoria Snelling (Gena Rowlands). Mentres Corky conduce e fuma efusivamente, Victoria fai chamadas de negocios dende o seu teléfono, a vez que tamén fala coa taxista da vida. Ao final Victoria ofrécelle a opción de traballar nunha película, mais Corky négase, ela quere ser mecánica.
Nova York editar
Helmut Grokenberger (Armin Mueller-Stahl), antes un pallaso na Alemaña Oriental, é agora un taxista principiante na cidade de Nova York, o pobre non sabe ben inglés, non coñece as rúas. Na rúa atópase un negro querendo parar un taxi, despois de varios intentos con outros taxis, YoYo (Giancarlo Esposito) é recolleito por Helmut, quen o ten que levar até Brooklyn. Helmut non dá conducido o coche, e ten que acabar ao final o cliente levando o coche. No camiño, YoYo encontra á súa cuñada Angela Rosie Pérez pola rúa e a empurróns, e con moitos insultos, Yoyo métea no taxi para levala para casa. As bocaladas continúanse dicindo polo camiño, e Helmut repetíraas orgulloso.
París editar
Nesa noite, unha cega (Béatrice Dalle) sobe ao taxi conducido por un rapaz africano (Isaach De Bankolé). Este, curioso da condición física da muller, intenta iniciar unha conversación con ela mediante preguntas que se volven estúpidas ante unha cega.
Roma editar
Un excéntrico taxista (Roberto Benigni) recolle a un cura (Paolo Bonacelli). Na viaxe, o taxista confésalle ao padre todos os seus pecados sexuais, dende que a metía nun cabazo de cativo, o que facía cunha ovella ou coa súa cuñada. O cura morre dun infarto e déixao nun banco.
Helsinqui editar
Tres traballadores (Kari Väänänen, Sakari Kuosmanen e Tomi Salmela), un durmido, soben a un taxi. Os dous que están despertos cóntanlle ao taxista Mika (Matti Pellonpää) o desgraciado que era o que ía durmido. Como resposta, o taxista contoulles unha historia triste que lles fixo chorar.
Elenco editar
Os Ánxeles editar
- Winona Ryder como Corky (taxista)
- Gena Rowlands como Victoria Snelling (pasaxeira)
Nova York editar
- Giancarlo Esposito como Yoyo (pasaxeiro)
- Armin Mueller-Stahl como Helmut Grokenberger (taxista)
- Rosie Pérez como Angela (pasaxeira)
París editar
- Isaach De Bankolé como taxista
- Béatrice Dalle como a muller cega (pasaxeira)
Roma editar
- Roberto Benigni como Gino (taxista)
- Paolo Bonacelli como Cura (pasaxeiro)
Helsinqui editar
- Matti Pellonpää como Mika (taxista)
- Kari Väänänen, Sakari Kuosmanen e Tomi Salmela como pasaxeiros.