Nitixio
Nitixisio, Nitixesio ou Nitixio foi un eclesiástico suevo, bispo católico de Lugo a finais do século VI.
| Biografía | |
|---|---|
| Nacemento | século VI  |
| Morte | Despois de 585 |
 Bispo diocese de Lugo | |
| 570 – 585 ← Agrestio – Becila → | |
| Datos persoais | |
| Relixión | Igrexa católica |
| Actividade | |
| Ocupación | sacerdote católico |
| Período de actividade | 561 - 585 |
Traxectoria editar
Foi nomeado bispo de Lugo con posterioridade ao ano 561, no que se celebrou o concilio de Braga ao que asistiu un bispo de nome descoñecido; por aquelas datas o reino suevo, tras varios anos de profesar o arianismo, practicaba o catolicismo, establecido oficialmente por disposición dos reis Carriarico ou Teodomiro e do bispo Martín de Braga. Do mesmo xeito que todas as do reino suevo, a diocese lucense foi sufragánea da de Braga ata que no concilio de Lugo celebrado o 569 determinouse que fose elevada á categoría de sé metropolitana, tendo como sufragáneas a Astorga, Britonia, Iria, Ourense e Tui. Tamén consta a asistencia de Nitixisio ao concilio bracarense do 572, en que se estableceron varios puntos sobre disciplina eclesiástica.
No ano 585 o rei visigodo Leovixildo conquistou o reino suevo e impuxo o arianismo como relixión oficial; Nitixisio foi desterrado e a diocese, novamente dependente de Braga, foi ocupada polo ariano Becila. Esta nova situación durou pouco, pois ao ano seguinte Leovixildo morreu, e o seu fillo Recaredo, de confesión católica, convocou no 589 o III Concilio de Toledo, no que se restaurou o catolicismo en todo o reino. Nitixisio, restituído na súa sede, non asistiu ao concilio, previsiblemente debido á súa avanzada idade, aínda que estivo representado no mesmo polo metropolitano de Braga Pantardo.
Suponse que Becila, que neste mesmo concilio abxurou do arianismo, sucedeulle tras a súa morte, aínda que non hai constancia diso.[1]
Notas editar
- ↑ Manuel Risco: España sagrada, vol.