Nicolaas Westendorp
Nicolaas Westendorp, nado en Farmsum o 11 de febreiro de 1773 e finado en Losdorp o 5 de xullo de 1836, foi un pastor protestante e arqueólogo neerlandés da provincia de Groninga.
| Biografía | |
|---|---|
| Nacemento | 11 de febreiro de 1773  Provincia de Groninga - Provincie Groningen, Países Baixos |
| Morte | 5 de xuño de 1836 (63 anos) |
| Actividade | |
| Ocupación | escritor |
| Membro de | |
Traxectoria
editarFillo dun mestre de escola[1], Westendorp estudou teoloxía na academia de Groninga. Como reverendo serviiu en Sebaldeburen (1797) e Losdorp (1812-1836)[2] e tamén exerceu como supervisor de escola no cuarto distrito de Groninga. É sobre todo coñecido polas súas publicacións sobre temas arqueolóxicos e históricos. En 1809 publicou a súa primeira obra Eerste leerrede, gehouden in de nieuwe kerk te Sebaldeburen, benevens eene oudheidkundige verhandeling. En 1820 fundou o primeiro períodico dedicado á arqueoloxía nos Países Baixos, Antiquiteiten, que se mantivo ata 1826[3]. A súa obra máis coñecida é unha historia da provincia de Groninga desde os primeiros tempos ata 1493, a Jaarboeken van en voor de provincie Groningen publicada en dous volumes (1829-1832)[4]. Postumamente saíu ao prelo a Algemeen overzigt der Romeinsche oudheden in de Noordelijke Nederlanden (1846). Tamén foi relevante o seu labor na recolleita de contos e lendas, considerado un pioneiro nos Países Baixos[5]. Tamén foi precursor dos estudos sobre os frisóns orientais de Saterland ao publicar en 1819 o artigo "Over de Saterlanders" na revista Antiquiteiten que incluía unha das primeiras listas de palabras en frisón oriental.
Notas
editar- ↑ F. Jos. van den Branden, J.G. Frederiks (1888-1891) Biographisch woordenboek der Noord- en Zuidnederlandsche letterkunde
- ↑ P.J. Meertens (1978) Biografisch lexicon voor de geschiedenis van het Nederlands protestantisme
- ↑ R. B. Halbertsma (2004) Scholars, Travellers and Trade: The Pioneer Years of the National Museum of Antiquities in Leiden, 1818-1840. Routledge, p. 48
- ↑ Nieuw Nederlandsch Biografisch Woordenboek
- ↑ Donald Haase (2007) The Greenwood Encyclopedia of Folktales and Fairy Tales. Vol I. Greenwood Pres, p. 282