Número necesario a tratar

En medicina preventiva e epidemioloxía, o número (de pacientes) necesario a tratar ou NNT (do inglés, number needed to treat) é o número de doentes que cómpre expor a un factor preventivo ou terapéutico coa fin de evitar un evento patolóxico ou conseguir un evento curativo. É unha medida bioestatística empregada para medir a efectividade dunha intervención sanitaria.

O número ideal de NNT é 1, xa que isto significaría que todos os individuos sometidos a unha determinada intervención (por exemplo, unha vacina), se verían beneficiados dela. Xa que logo, canto máis elevado sexa o NNT, menor será a eficacia dunha intervención terapéutica.

Cálculo

O número que cómpre tratar calcúlase baseándose na seguinte fórmula:

$\mathbf {NNT} ={1}/({I}_{ne}-{I}_{e})$

Na que $\mathbf {(} {I}_{ne}-{I}_{e})$ é a diferenza entre incidencias nos non expostos e nos expostos, ou o que vén a ser o mesmo, a redución absoluta do risco.

Véxase tamén

Bibliografía

• Dawson B, Trapp R. Bioestadística médica, 4º edición. Manual moderno, 2005.

Outros artigos

• Prevalenza
• Incidencia
• Risco atribuíbel
• Risco relativo
• Risco absoluto

Ligazóns externas

• Calculadora online para o NNT (GraphPad Software) (en inglés)

---

Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---