Nílson Esídio

futbolista brasileiro

Nílson Esídio, nado o 19 de novembro de 1965 en Santa Rita (Estado de São Paulo), é un exfutbolista brasileiro que xogaba na demarcación de dianteiro centro.

Nílson Esídio
Información persoal
Nacemento 19 de novembro de 1965
Lugar de nacemento Santa Rita do Passa Quatro
Altura 188 centímetros
Posición dianteiro, dianteira
editar datos en Wikidata ]

Traxectoria editar

Comezou xogando no Sestao Zinho da Segunda División Brasileira como centrocampista, ata que aos 20 anos o adestrador o probou na dianteira, onde xogaría durante o resto da súa vida profesional.

Xogou dous anos no XV Jaú de São Paulo e no ano 1988 fichou polo Internacional de Porto Alegre. A súa capacidade goleadora levouno a unha curta aventura en Europa. Chega ao Celta de Vigo na tempada 1989-90 para suplir a baixa de Amarildo, cometido no que non tivo éxito e tras un ano volveu a Brasil para gañar o campionato paulista co Gremio.

Foi pichichi cos seus seguintes equipos, Portuguesa, Corinthians, Flamengo e Fluminense, e internacional en seis ocasións.

Na liga española ademais de no Celta, xogaría no Albacete na 1993-94 e no Real Valladolid o ano seguinte, cun total de 59 encontros disputados e 16 goles.

Tralo seu mal paso por Valladolid, onde pretendía destacar para ir ao Mundial de Fútbol Estados Unidos 1994 coa selección de fútbol do Brasil, marchou a México para xogar no Tigres e máis tarde ao Perú para militar nas filas do Sporting Cristal.

Anos despois volveu ao Brasil para xogar en varios equipos, acabando a súa carreira no modesto Atlético Socarabana de São Paulo.

Equipos editar

Ano Club País
1983-1984 Sertaozinho FC  
1985 Platinense  
1986-1987 XV de Jaú  
1987-1989 PontePreta  
1989-1990 Celta de Vigo  
1990-1991 Gremio de Porto alegre  
1992 Portuguesa  
1992 Corinthians  
1993 Flamengo  
1993 Fluminense  
1993-1994 Albacete Balompié  
1994-1995 Real Valladolid  
1995 Palmeiras  
1996 Vasco da Gama  
1997 UANL Tigres  
1997 Atlético Paranaense  
1998 Sporting de Cristal  
1999 Santo André  
2000 Universitario  
2001 Santa Cruz  
2002 Rio Branco  
2003 Flamengo  
2003 Nacional de São Paulo  
2003 Atlético Socrabana