Museo Galego da Marioneta

O Museo Galego do Xoguete e a Marioneta, inaugurado en outubro do 2001, e albergado, dende o 13 de decembro de 2014, no Pazo de Liñares, é froito dun convenio de colaboración entre o Concello de Lalín e compañía de monicreques Viravolta, que aproveita este espazo permanente para mostrar a súa colección de marionetas (máis de 300 pezas) e para fomentar o gozo, estudo e recuperación da arte dos monicreques. O museo amplía cada ano o seu fondo documental coa incorporación de novas pezas, libros, vídeos e outros materiais sobre esta materia.

Museo Galego da Marioneta
Tipo	museo
Tema principal	monicreque
Data
Fundación	2001
Localización
42°40′49″N 8°11′30″O
Estado	España
Comunidade autónoma	Galicia
Provincia	provincia de Pontevedra
Concello	Lalín
Parroquia	Prado
Lugar	Liñares
País	España
Localización	Pazo de Liñares
[ Wikidata ]

Sede do museo.

Descrición

No ano 1998, con motivo do 15 aniversario da primeira estrea como compañía de monicreques de Viravolta, realizouse unha exposición conmemorativa no Museo Municipal de Lalín, que foi o punto de partida para a creación da Casa do títere, onde o concello exerce a titularidade e as compañías Viravolta e Seisdedos son as encargadas da súa xestión.

O Museo Galego da Marioneta mantén unha programación estábel, organizando talleres de iniciación, cursos para profesionais dos monicreques e da educación e mostras de teatro de marionetas como Titirientroido, Titirideza e Cantos e Contos de Nadal

Véxase tamén

Outros artigos

• Pazo de Liñares

Ligazóns externas

• "Museo do Xoguete e a Marioneta". Turismo de Lalín.