Motorola

Motorola Mobility LLC, comercializada como Motorola, é unha empresa estadounidense de telecomunicacións e electrónica, filial do conglomerado tecnolóxico chinés Lenovo. A compañía fabrica principalmente teléfonos intelixentes e outros dispositivos móbiles que executan o sistema operativo Android.

Motorola
Tipo	negocio, empresa e empresa multinacional
Forma xurídica	limited liability company (en)
Personalidades
Propietario/a	Lenovo
Fundador/a	Motorola
Director/a	Dennis Woodside (pt) (-)
Actividade
Industria	industria da telecomunicación
Produtos teléfono intelixente relógio inteligente (pt) televisión
Entidades
Matriz	Lenovo
Membro de Wi-Fi Alliance
Data
Fundación	4 de xaneiro de 2011
Cronoloxía
← Motorola
Localización
41°53′19″N 87°38′08″O
Sede	Chicago
Contacto
Páxina WEB	motorola.com
Redes
[ Wikidata ]

En 2011, Motorola Inc. foi dividida en dúas firmas independentes unha da outra. Motorola Mobility naceu como spin-off co que fose o brazo de Motorola en materia de teléfonos, mentres que Motorola Solutions ficou coa parte de equipos como servidores e redes de telecomunicación despois do renomeamento do nome orixinal. Por iso, o sucesor legal directo de Motorola é Motorola Solutions.

A Motorola orixinal foi fundada en 1928 en Chicago por Paul V. Galvin e o seu irmán Joseph cando adquiren o negocio dun eliminador de baterías, por quebra da Stewart Battery Co., e crean a Galvin Manufacturing Corporation con só cinco empregados e un patrimonio de 565 dólares en efectivo, 750 dólares en ferramentas e un deseño para o primeiro produto da compañía: un eliminador de baterías. O nome "Motorola" foi adoptado en 1947, mais foi utilizado como marca comercial dende que en 1930 desenvolve a primeira radio para automóbil.

En agosto de 2011, foi adquirida por Google por unha cifra aproximada de 12.500 millóns de dólares. Debido ás perdas económicas, o 29 de xaneiro de 2014 Google vendeuna á compañía chinesa Lenovo por 2.910 millóns de dólares.