Montpellier HB
Nome do club | Montpellier Agglomération Handball | ||
Fundado | 1982 | ||
Pavillón | Palais des sports René Bougnol, Montpellier | ||
Capacidade | 3.000 | ||
Presidente | |||
Adestrador | ![]() | ||
Liga | Championnat de France | ||
2009-2010 | 1º | ||
Vestimenta |
|
O Montpellier Agglomération Handball é un equipo de balonmán da cidade de Montpellier, Francia. Actualmente milita na Championnat de France de handball, a máxima categoría do balonmán francés, categoría á que ascendeu en 1991 e que gañou en 11 ocasións. Nos últimos anos converteuse nun dos grandes dominadores deste deporte en Francia ao conseguir 11 Ligas, 9 Copas e 5 Copas da Liga.
A nivel internacional, o título máis importante conseguido polo club foi a Copa de Europa do 2003 tras derrotar na final ao Portland San Antonio de Pamplona, converténdose no único equipo francés que conseguiu gañar esta competición.
Historia
editarO club foi fundado en 1982 baixo o nome de Cosmos Montpellier. O equipo foi ascendendo de ano en ano, pasando de xogar na División Departamental ata acadar a Nationale 3 na tempada 1986-87. Ese ano o club troca o seu nome polo de Montpellier La Paillade Sport Club e gaña o campionato da Natinale 3.
En 1989 proclamouse campión da Nationale 2 e venceu no Trofeo de Francia. Ese mesmo ano foi rebautizado co seu nome actual. Co novo nome pasa tres tempadas na Nationale 2. En 1991, Patrice Canayer, é nomeado adestrador do equipo, conseguindo o campionato da Nationale 2, o que lle permitiu ao equipo disputar a promoción de ascenso á 1ª División. Esta rápida progresión debeuse á estruturación rápida do seu presidente Jean-Paul Lacombe.
Os resultados encadeáronse moi rapidamente dende a tempada 1993-94. Coa primeira participación na Copa de Europa e a primeira Liga francesa, conseguida nos últimos segundos do último partido fronte ao OM Vitrolles na tempada 1994-95.
Dende a tempada 1997-98 á 2004-05, o Montpellier HB conseguiu sete das oito ligas disputadas e foi subcampión na 2000-01. Durante o mesmo período, conquistou seis veces a Copa de Francia, e como punto culminante conquistou a Copa de Europa en 2003, tras bater na final ao Portland San Antonio de Pamplona, co seu xogador estrela Jackson Richardson, nunha polémica final. Tamén conseguiu gañar en dúas ocasións a Liga dos Pireneos (2002 e 2004) tras derrotar nas dúas ocasións ao FC Barcelona.
Palmarés
editar- 1 Copa de Europa: 2003.
- 2 Ligas dos Pireneos: 2002 e 2004.
- 12 Ligas: 1995, 1998, 1999, 2000, 2002, 2003, 2004, 2005, 2006, 2008, 2009 e 2010.
- 10 Copas de Francia: 1999, 2000, 2001, 2002, 2003, 2005, 2006, 2008, 2009 e 2010.
- 6 Copas da Liga: 2004, 2005, 2006, 2007, 2008 e 2010.
Cadro de xogadores da tempada 2010-2011
editarNº | Nome | Idade | Estatura | Nacionalidade | Posición |
---|---|---|---|---|---|
1 | Mickael Robin | 25 | 1,90 | Porteiro | |
6 | Issam Tej | 31 | 1,87 | Pivote | |
7 | William Accambray | 22 | 1,94 | Lateral esquerdo | |
10 | Adrien Di Panda | 22 | 2,02 | Lateral dereito | |
11 | Remi Salou | 22 | 1,97 | Pivote | |
12 | Richard Stochl | 35 | 2,02 | Porteiro | |
14 | Michael Guigou | 28 | 1,79 | Extremo esquerdo | |
15 | Samuel Honrubia | 24 | 1,80 | Extremo esquerdo | |
17 | David Juricek | 36 | 1,85 | Pivote | |
21 | Branislav Obradovic | 31 | 1,92 | Lateral dereito | |
22 | Nikola Karabatic | 26 | 1,96 | Central | |
23 | Vid Kavticnik | 26 | 1,90 | Extremo dereito | |
25 | Luka Karabatic | 22 | 2,02 | Pivote | |
27 | Aymen Hammed | 27 | 1,96 | Lateral dereito | |
77 | Mladen Bojinovic | 33 | 2,01 | Central | |
88 | Wissem Hmam | 29 | 1,97 | Lateral esquerdo |
Véxase tamén
editarLigazóns externas
editar- Web oficial do Montpellier HB
- Web dos seareiros do Montpellier HB Arquivado 09 de outubro de 2011 en Wayback Machine.