Mike Tyson
Michael Gerard "Mike" Tyson, nado o 30 de xuño de 1966 en Nova York, é un boxeador estadounidense retirado. Foi campión dos pesos pesados e o máis novo en gañar os títulos mundiais do Consello, da Asociación e da Federación.
  | |
| Biografía | |
|---|---|
| Nacemento | 30 de xuño de 1966 (58 anos) Brooklyn, Estados Unidos de América |
| Grupo étnico | Afroamericano |
| Relixión | Baptismo |
| Altura | 179 cm |
| Peso | 109 kg |
| Actividade | |
| Ocupación | boxeador, autobiógrafo, actor de dobraxe, actor, creador de podcast |
| Nacionalidade deportiva | Estados Unidos de América |
| Deporte | boxeo |
| Disciplina deportiva | boxeo peso pesado (pt)  |
| Adestrado por | Cus D'Amato (pt) |
| Participou en | |
| 28 de xuño de 1997 | Evander Holyfield vs. Mike Tyson II (en) |
| 20 de maio de 1986 | Mike Tyson vs. Mitch Green (en) |
| Outro | |
| Cónxuxe | Robin Givens (1988–1989) |
| Condenado por | Violación asalto |
| Premios | |
| |
Sinatura  | |
| Descrito pola fonte | Obálky knih,  |
| Sitio web | miketyson.com |
                    | |
Traxectoria
editarTyson gañou o título do Consello con vinte anos diante Trevor Berbick por KO técnico. Ó longo da súa carreira , Tyson foi coñecido polo seu boxeo feroz e intimidatorio[1] e polo seu carácter controvertido dentro e fóra do ring. Tyson gañou os seus primeiros 19 combates profesionais por KO, 12 na primeira rolda. Na segunda metade dos anos oitenta foi o campión indiscutido dos pesos pesados unificando todas as coroas na súa persoa. Tyson perdeu o seu título ó perder inesperadamente contra James Douglas estando as apostas 42 a 1 a favor de Tyson, o 11 de febreiro de 1990 en Toquio por KO na décima rolda[2].
En 1992, Tyson foi condenado por asalto sexual contra Desiree Washington, pasando tres anos na cadea, nese tempo converteuse ó islam e adoptou o nome de Malik Abdul Aziz. Tras saír en 1995 volveu a boxear, gañando os títulos do Consello e da Asociación, perdéndoos no combate contra Evander Holyfield en 1996. No desquite de 1997 Tyson foi descualificado por arrincarlle dunha mordedela parte da orella a Holyfield. Loitou de novo por un campionato en 2002 perdendo contra Lennox Lewis por KO. Tyson retirouse do boxeo de competición en 2005 logo de perder dous combates consecutivos por KO contra Danny Williams e Kevin McBride. En 2003 Tyson declarouse en creba, a pesar de recibir 30 millóns de dólares nalgunha das súas pelexas e 300 millóns durante a súa carreira.