Miguel Ángel Álvarez Villar
Miguel Ángel Álvarez Villar, nado en Vigo o 10 de febreiro de 1971, é un ex-remeiro galego. Foi campión de España e competiu na proba de dobre scull nos Xogos Olímpicos de 1992 en Barcelona, conseguindo un diploma olímpico.
| Biografía | |
|---|---|
| Nacemento | 10 de febreiro de 1971  (53 anos)Vigo, España |
| Datos persoais | |
| País de nacionalidade | España |
| Actividade | |
| Ocupación | remeiro |
| Lingua | Lingua castelá |
| Deporte | Remo |
| Participou en | |
| 1992 | rowing at the 1992 Summer Olympics – men's double sculls (en)  |
 | |
Traxectoria editar
Comezou a practicar remo no Club Remo Chapela, e en 1989 quedou cuarto no Campionato do Mundo de Remo Xuvenil disputado no Lago de Bled, en Iugoslavia, na proba de scull individual. Ao ano seguinte participou no seu primeiro Mundial absoluto, na illa de Tasmania, na mesma modalidade. En 1992 conseguiu a medalla de ouro na Copa das Nacións (antigo nome do Mundial sub-23), na modalidade de dobre scull, remando xunto a José Antonio Merín.
Participou con Merín na proba de dobre scull dos Xogos Olímpicos de 1992 en Barcelona, e logrou meterse na final, na que participaban seis embarcacións. Rematou finalmente no sexto posto, obtendo así un diploma olímpico.[2] En 1994 foi campión de España no dobre scull xunto a José Ignacio Bugarín e quedou noveno no Campionato do Mundo celebrado en Indianápolis, na proba de cuádruplo scull.[3][4]
Notas editar
- ↑ "Vigo rende homenaxe aos seus olímpicos e paralímpicos cun monumento". VigoÉ. 13/10/2016.
- ↑ "Dobre scull nos Xogos Olímpicos de 1992". sports-reference.com (en inglés). Arquivado dende o orixinal o 18 de abril de 2020. Consultado o 20 de setembro de 2021.
- ↑ "Campionatos de España de Remo" (PDF) (en castelán). Consultado o 20 de setembro de 2021.
- ↑ "Cuádruplo scull no Campionato do Mundo de 1994". worldrowing.com (en inglés). Arquivado dende o orixinal o 15 de outubro de 2014. Consultado o 20 de setembro de 2021.
Véxase tamén editar
Ligazóns externas editar
- Datos do remeiro no sitio web oficial da Federación Internacional de Sociedades de Remo (en inglés).