MightySat-2
(Redirección desde «MightySat-2.1»)
MightySat-2 ou MightySat-2.1 foi un satélite artificial da Forza Aérea dos Estados Unidos usado para facer diversos experimentos no espazo, continuando a misión de MightySat-1. Foi lanzado o 19 de xullo de 2000 mediante un foguete Minotaur 1 desde a base Vandenberg da Forza Aérea.[1][3]
MightySat-2 / MightySat-2.1 | |
---|---|
MightySat-2 no espazo. | |
Tipo | Demostrador tecnolóxico. |
Organización | Forza Aérea dos Estados Unidos[1] |
Data de lanzamento | 19 de xullo de 2000[2][3][4] |
Foguete portador | Minotaur 1[1][3] |
Sitio de lanzamento | Base Vandenberg da Forza Aérea[3][5] |
Obxectivo da misión | Demostrador tecnolóxico.[3][5] |
Decaemento | 12 de novembro de 2002[2] |
NSSDC ID | 2000-042A |
Masa | 130 kg[1][3][5] |
Características editar
MightySat-2 foi orixinalmente denominado MightySat-2.1 ao ser o primeiro membro da serie de satélites MightySat-2, antes de que os demais satélites fosen cancelados. Cunha masa de 130 kg, levaba a bordo varios experimentos para demostrar novas tecnoloxías:[1][3][4]
- SAC, un experimento con células solares.
- NSX, para probar unha unidade de comunicacións ultralixeira.
- MFCBS, para probar unha estrutura multifuncional a base de composites.
- FTHSI, unha cámara para obter imaxes hiperespectrais mediante transformada de Fourier.
- QS40, para monitorizar danos producidos pola radiación en compoñentes electrónicos.
- SMATTE, un experimento de materiais.
- SAFI, un experimento para reducir o peso en compoñentes usando arames de [[cobre] insertados en películas de composite.
O satélite usou o bus SA-200B e reentrou na atmosfera o 12 de novembro de 2002.[2]
Notas editar
- ↑ 1,0 1,1 1,2 1,3 1,4 Gunter Dirk Krebs (2023). Gunter's Space Page, ed. "Mightysat-2 (P99-1)" (en inglés). Consultado o 8 de xullo de 2023.
- ↑ 2,0 2,1 2,2 N2YO (2023). Real Time Satellite Tracking, ed. "MIGHTYSAT 2" (en inglés). Consultado o 8 de xullo de 2023.
- ↑ 3,0 3,1 3,2 3,3 3,4 3,5 3,6 NASA (26 de agosto de 2014). "Mightysat 2.1" (en inglés). Consultado o 8 de xullo de 2023.
- ↑ 4,0 4,1 "Note verbale dated 2 November 2000 from the Permanent Mission of the United States of America to the United Nations (Vienna) addressed to the Secretary-General" (PDF) (01-80466 (E)). 25 de xaneiro de 2001: 15. Consultado o 8 de xullo de 2023.
- ↑ 5,0 5,1 5,2 Mark Wade (2023). "MightySat 2" (en inglés). Consultado o 8 de xullo de 2023.