Manuel López Casas

Manuel López Casas, nado en San Pedro de Laroá (Xinzo de Limia) o 9 de marzo de 1948, é un mestre e político galego do PPdeG

Manuel López Casas

Biografía
Nacemento	9 de marzo de 1948 (76 anos) San Pedro de Laroá, España
Alcalde de Xinzo de Limia
6 de abril de 2018 – agosto de 2018 (dimisión) ← Antonio Pérez Rodríguez
Actividade
Ocupación	mestre, político

Traxectoria

Diplomouse en Maxisterio e exerceu como mestre dende 1969 en centros de Xinzo de Limia e Pontevedra; especialista en Lingua Galega. Foi elixido concelleiro nas municipais de 1979, inicialmente pola UCD, pasando posteriormente por Coalición Galega, Centristas de Galicia e PPdeG, sendo o primeiro tenente de alcalde de Isaac Vila. Foi elixido deputado no Parlamento de Galicia nas eleccións autonómicas de 1997. Nas municipais de 1999 encabezou a candidatura do PPdeG en Xinzo de Limia e foi a forza máis votada, sen maioría absoluta, polo que non logrou a alcaldía tras un pacto entre o PSdeG, BNG e Coalición Galega. O 23 de xaneiro de 2001 foi nomeado director xeral de Desenvolvemento Rural da Consellería de Agricultura. En 2002 pasou a ser delegado da Consellería de Política Agroalimentaria e Desenvolvemento Rural en Ourense. Volveu ser elixido concelleiro de Xinzo de Limia nas municipais de 2011 e foi primeiro tenente alcalde. O 21 de marzo de 2018 o alcalde Antonio Pérez Rodríguez presentou a súa dimisión como concelleiro e rexedor do concello tras ser condenado por prevaricación, e foi elixido alcalde de Xinzo de Limia o 6 de abril.. Porén, presentou a súa dimisión en agosto dese mesmo ano, sendo substituído polo seu compañeiro Manuel Cabas López.

Véxase tamén

Outros artigos

• Eleccións municipais en Xinzo de Limia

Ligazóns externas

• Biografía Arquivado 30 de outubro de 2020 en Wayback Machine.