Manuel Bugallo Bouzada
Manuel Bugallo Bouzada, nado en Trabanca Sardiñeira (Vilagarcía de Arousa) o 17 de xullo de 1966, é un exfutbolista galego.
Bugallo | |||
---|---|---|---|
Información persoal | |||
Nome | Manuel Bugallo Bouzada | ||
Nacemento | 17 de xullo de 1966 | ||
Lugar de nacemento | Trabanca Sardiñeira | ||
Posición |
Defensa central Centrocampista Extremo | ||
Carreira xuvenil | |||
1979–1981 | Tótem FC | ||
1981–1982 | Arousa | ||
1983–1985 | Real Madrid | ||
Carreira sénior | |||
Anos | Equipos | Aprs | (Gls) |
1982–1983 | Arousa | ||
1984–1988 | Real Madrid | 1 | (0) |
1985–1986 | → Leganés | 29 | (3) |
1986–1987 | → Cultural Leonesa | ||
1987–1988 | → Arousa | 30 | (2) |
1988–1989 | Arousa | 41 | (3) |
1989–1990 | Leixões | ||
1990–1991 | Arousa | ||
1991–1992 | Cacereño | ||
1992–1994 | Xove Lago | ||
1994–1999 | Mosteiro | ||
1999–2003 | Céltiga | ||
2003–2004 | Boiro | ||
Partidos e goles só en liga doméstica. [ editar datos en Wikidata ] | |||
Traxectoria editar
Nado en Trabanca Sardiñeira,[1] comezou a xogar ao fútbol aos 13 anos nas filas do Tótem FC vilagarcián, ata que en 1981 pasou ao Arousa, club co que o Tótem mantiña un convenio de colaboración.[2][3] En xaneiro de 1982, con só 15 anos, debutou co primeiro equipo na Terceira División da man do adestrador Juan Manuel Tartilán, afianzándose rapidamente na titularidade. Na seguinte tempada, 1982/83, o equipo rematou segundo e logrou o ascenso á Segunda División B.
En 1983 fichou polo equipo xuvenil do Real Madrid, onde coincidiu cos tamén galegos Rey e Iglesias.[4] No equipo madrileño comezou a xogar como extremo, en vez de centrocampista, posición na que xogaba en Galicia.[4] Na segunda xornada da tempada 1984/85, sendo aínda xuvenil, debutou co primeiro equipo do Real Madrid na Primeira División, nun encontro ante o Sporting de Gijón no Molinón, durante a histórica folga de futbolistas convocada naqueles días.[5] Non volveu vestir a camiseta do primeiro equipo branco e na tempada seguinte foi cedido ao Leganés, co que disputou 29 encontros en Terceira, marcando tres goles e proclamándose campión do Grupo VII. Na tempada 1987/88 volveu saír cedido, desta vez á Cultural Leonesa, coa que logrou o ascenso a Segunda B, ao tempo que realizaba o servizo militar.[6][1]
Para a campaña 1987/88 regresou ao Arousa, cedido polo Real Madrid.[6] Ao remate da campaña recibiu a carta de liberdade do equipo branco e militou no club da súa vila outro ano máis, sumando 80 partidos oficiais neses dous anos, case todos como titular. Pouco despois do comezo da tempada 1989/90 foi traspasado por seis millóns de pesetas ao Leixões da Segunda División portuguesa.[7] Con todo, apenas puido xogar no país luso debido a unha lesión de pube, e volveu ao Arousa, co que disputou a tempada 1990/91.[1]
A continuación rexeitou ofertas de varios equipos e asinou como novo xogador do Cacereño, seguindo ao seu antigo adestrador José Ramón Segura.[8] Tras unha campaña en Estremadura volveu a Galicia, onde xogou dous anos no Xove Lago e cinco no Mosteiro.[9] En 1999 fichou polo Céltiga,[10] no que militou ata o 2003, antes de pechar a súa carreira en 2004, xogando como defensa central nas filas do Boiro.[11]
Palmarés editar
- Leganés
- Terceira División (1): 1986/87.
Notas editar
- ↑ 1,0 1,1 1,2 "Manolo Bugallo se sentiría feliz si su presencia fuese un revulsivo para el equipo". La Voz de Galicia (en castelán) (Arousa ed.). 18 de novembro de 1990. p. 54.
- ↑ "El Tótem denuncia actuaciones incorrectas del Arosa". La Voz de Galicia (en castelán) (Pontevedra ed.). 9 de outubro de 1981. p. 36.
- ↑ "El Arosa rechaza las acusaciones del «Tótem»". La Voz de Galicia (en castelán) (Pontevedra ed.). 20 de outubro de 1981. p. 44.
- ↑ 4,0 4,1 "Salieron un día de Galicia y su sueño es triunfar en el Madrid". La Voz de Galicia (en castelán). 10 de xullo de 1984. p. 43.
- ↑ "La huelga de la AFE del 84 y los amateurs que vivieron su gran día en la élite (y no regresaron)" (en castelán). 26 de setembro de 2018. Consultado o 7 de abril de 2023.
- ↑ 6,0 6,1 "El vilagarciano Bugallo, cedido por el Real Madrid, nuevo jugador del Arosa". La Voz de Galicia (en castelán) (Pontevedra ed.). 9 de xuño de 1987. p. 45.
- ↑ "La junta directiva del Arosa, de acuerdo con el jugador, decidió dar la baja a Lisi". La Voz de Galicia (en castelán) (Arousa ed.). 22 de marzo de 1990. p. 46.
- ↑ "Bugallo fichó por el Cacereño". La Voz de Galicia (en castelán) (Arousa ed.). 7 de xullo de 1991. p. 58.
- ↑ "Manolo Bugallo fichó por el Mosteiro, y Núñez cuenta con escasas posibilidades de seguir". La Voz de Galicia (en castelán) (Pontevedra ed.). 30 de xullo de 1994. p. 44.
- ↑ "Bugallo es la principal novedad en un Céltiga cuyo objetivo volverá a ser la permanencia". La Voz de Galicia (en castelán) (Arousa ed.). 1 de xullo de 1999. p. 56.
- ↑ "Bugallo, nuevo central para Raúl Nieto". La Voz de Galicia (en castelán) (Barbanza ed.). 25 de xullo de 2003. p. 6.