Mamonas Assassinas

Mamonas Assassinas
Orixe	Guarulhos, Estado de São Paulo, Brasil
Período	(Utopia) 1990 - 1994; (Mamonas Assassinas)1995–1996
Xénero(s)	Música rock
Selo(s) discográfico(s)	EMI
Membros	Dinho; Bento Hinoto; Júlio Rasec; Samuel Reoli; Sérgio Reoli
Artistas relacionados	Utopia
Na rede
	Páxina oficial

Mamonas Assassinas foi unha banda brasileira de rock cómico formada en Guarulhos en 1990, que nun comezo tiña o nome de Utopia. O seu son era unha mestura de punk rock con influencias de xéneros populares, como o forró (Jumento Celestino), a brega (Bois Don't Cry), o heavy metal (Débil Metal), o pagode (Lá Vem o Alemão), música mexicana (Pelados em Santos), reggae (Onon Onon) e vira (Vira-Vira). A carreira da banda, co nome de Mamonas Assassinas, durou de xullo de 1995 até o 2 de marzo de 1996 (pouco máis de 7 meses). Tiveron un éxito meteórico. Cun único álbum de estudio, Mamonas Assassinas, lanzado en xuño de 1995, o grupo vendeu máis de 3 millóns de copias no Brasil, sendo certificado como disco de diamante comprobado pola ABPD.^[1] Con letras humorísticas, o álbum lanzou ós "Mamonas" ó estrelato nacional. Porén, en marzo de 1996, no auxe da carreira, a banda foi vítima dun accidente aéreo sobre a Serra da Cantareira, o que ocasionou a morte de todos os seus integrantes.^[2]