Mamede Casanova
Mamede Casanova, coñecido como Toribio de Mañón, nado nas Grañas do Sor (Mañón) en 1883, foi un dos bandidos galegos máis coñecidos de comezos do século XX.
| Biografía | |
|---|---|
| Nacemento | 1883  As Grañas do Sor, España |
| Morte | valor descoñecido |
| Actividade | |
| Ocupación | bandidaxe |
 | |
Traxectoria
editarFerreiro nas Grañas do Sor. En novembro de 1900 asaltou, con outras persoas, a Casa reitoral da Graña. A intención era asustar ao cura mais tamén levaron os cartos que atoparon na casa. O crego escapou pero morreu a súa criada. Despois desa noite Casanova foi acusado de asasinato.[1] Foi persequido pola Garda Civil pola comarca de Ortigueira. Tres anos de continuos apresamentos, fugas e asaltos que fixeron del unha figura case lendaria.
As lendas falan de que tiña:
"forza capaz de romper os grilletes, capacidade para quitalos, destreza para espirse e vestirse cos ferros postos, habilidades de xente para gañarse en pouco tempo a simpatía dos seus compañeiros de prisión e promover un disturbio que sería favorable para el, intelixencia para buscar e atopar axuda misteriosa entre as persoas fóra do cárcere que veñen axudalo nas súas fuxidas, disimulo e dominio fóra do normal"[2]
En 1903 intentou fugarse do cárcere da Coruña e foi trasladado ao castelo de Santo Antón. O delincuente galego, responsable da morte de dous curas, das feridas duns gardas civís así como de roubos, violacións e incendios, rompeu cadeas e grilletes e forzou portas grazas a súa capacidade física.[2] Cumpriu condena en Santoña, Ceuta, San Miguel de los Reyes e Figueras e logo de ser indultado o 28 de novembro de 1928, saíu en liberdade o 6 de decembro de 1928.[3][4]
Notas
editar- ↑ "O bandido galego de máis sona do século XX". radiofusion.gal. Consultado o 2024.
- ↑ 2,0 2,1 "Mamed Casanova, el temible bandido gallego que se creyó su leyenda". abc.es. Consultado o 2024.
- ↑ El Eco de Santiago, 7-12-1928, p. 2.
- ↑ El Emigrado, 16-12-1928, p. 2.
Véxase tamén
editarBibliografía
editar- Puentes, Hixinio (2000). O bandido Casanova. Vigo: Xerais. ISBN 978-84-8302-545-1.
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|