Laker Airways
Laker Airways foi unha aeroliña privada británica fundada por Sir Freddie Laker en 1966. Orixinalmente era unha aeroliña chárter de carga e pasaxeiros que voaba a todo o mundo. A súa sede estaba localizada no aeroporto de Gatwick en Crawley, Inglaterra.[1]
| Laker Airways | ||
|---|---|---|
.jpg) | ||
| IATA GK | OACI LKR | Indicativo LAKER |
| Fundación | 29 de xullo de 1966 | |
| Fin das operacións | 5 de febreiro de 1982 | |
| Frota | 20 (en febreiro de 1982) | |
A compañía converteuse na segunda aeroliña de baixo custo de longa distancia en 1977, operando servizos regulares de tarifas baixas entre o aeroporto de Londres-Gatwick e o aeroporto John F. Kennedy de Nova York (despois da pioneira aeroliña de baixo custo islandesa Loftleiðir).[2] A compañía non sobreviviu á recesión de principios dos anos 80 e operou o seu derradeiro voo o 5 de febreiro de 1982, o día que entrou en bancarrota.
Frota
editarLaker operou os seguintes modelos de avións ao longo da súa historia:[3]
- Airbus A300B4
- Boeing 707 (series -138B e -351B)
- Boeing 727-200 Advanced (operados por Laker Airways Bahamas)
- British Aircraft Corporation BAC One-Eleven (series -300 e -400)
- Bristol Britannia (serie -102)
- McDonnell Douglas DC-10-10
- McDonnell Douglas DC-10-30
- Vickers VC10 (alugado a Middle East Airlines e non operado por Laker Airways)[4]
Notas
editar- ↑ World airline directory, Flight International, 16 de maio de 1981, p. 1445.
- ↑ Gatwick Airport: The first 50 years, Woodley, C., The History Press, Stroud, 2014, p. 95
- ↑ "Aviation Photo Search". Airliners.net. Consultado o 2022-05-15.
- ↑ "VC10 G-ARTA". web.archive.org. 2011-10-06. Archived from the original on 06 de outubro de 2011. Consultado o 2022-05-15.