La Quimera
La Quimera é unha novela en lingua castelá de Emilia Pardo Bazán, publicada en 1905. En palabras da autora —no prólogo da novela— La Quimera trátase dunha sátira social cuxo propósito foi estudar "un aspecto da alma contemporánea". É unha novela psicolóxica na que o protagonista encarna un mal da época: seducido pola súa quimera, "triunfar ou morrer", destrúese como home sen realizarse como artista. A obra apareceu publicada como folletín en 1903 na revista La Lectura, aparecendo dous anos máis tarde xa completa e co prólogo explicativo.
| La Quimera | |
|---|---|
| Autor/a | Emilia Pardo Bazán |
| Orixe | Galicia |
| Lingua | Lingua castelá |
| Xénero(s) | Narrativa |
| Data de pub. | 1905 |
| [ editar datos en Wikidata ] | |
Trama editar
A novela trata sobre a vida do pintor Silvio Lago, que marcha a Arxentina, onde sobrevive como pode, para regresar a España coa decisión de triunfar como artista. Para iso ponse baixo a protección de Minia, unha famosa compositora que pasa o verán no seu pazo galego.
Narración editar
É unha novela en clave, na que Pardo Bazán deixa entrever certos elementos autobiográficos á par que a súa relación co pintor galego Joaquín Vaamonde, que a retratou en varias ocasións.
Confirmando o seu criterio de que a novela debe reflectir o momento no que é escrita, poden apreciarse en La Quimera certos ecos modernistas e simbolistas.
Véxase tamén editar
Ligazóns externas editar
- La Quimera Biblioteca Virtual Miguel de Cervantes.
- La Quimera, ficha en Ciao! (en castelán).
- "La Quimera, o la crueldad del artista", artigo de Marina Mayoral en Cervantes Virtual (en castelán).