La Pobla de Mafumet

La Pobla de Mafumet
	Brasón
Localización
	41°11′12″N 1°12′30″L / 41.1866, 1.2083Coordenadas: 41°11′12″N 1°12′30″L / 41.1866, 1.2083
Estado	España
Comunidade autónoma	Cataluña
Provincia	Provincia de Tarragona
Comarca	Tarragonès
Capital	Pobla de Mafumet (en)
Poboación
Poboación	4.076 (2023) (657,42 hab./km²)
Número de fogares	10 (1553)
Lingua oficial	lingua catalá
Xeografía
Superficie	6,2 km²
Bañado por	Río Francolí
Altitude	98 m
Comparte fronteira con	El Morell ; Perafort ; Vilallonga del Camp ; Constantí
Organización política
• Mayor of Pobla (en)	Joan Maria Sarda Padrell (en)
Identificador descritivo
Código postal	43140
Fuso horario	UTC+01:00
Código INE	43109
Código territorial IDESCAT	431093
Páxina web	poblamafumet.cat

La Pobla de Mafumet é un concello de Cataluña, pertencente á provincia de Tarragona. Está localizado na comarca de Tarragonès. Segundo datos de 2014 a súa poboación era de 3 420 habitantes.

Historia

Estivo poboado durante a ocupación romana grazas á súa proximidade coa antiga Tarraco. No termo atopouse un tesouro formado por 200 moedas de bronce do período do emperador Claudio que testemuñan a ocupación da localidade.

Durante a reconquista recibiu o nome de Guàrdia de Mafumet e pertenceu á familia dos Montoliu, pasando no século XV a mans da curia de Tarragona.

Cultura

A igrexa parroquial está adicada a San Joan Bautista. No seu interior consérvase unha talla románica do século XIII da Mare de Déu del Lledó, trasladada ó templo en 1801 ó derrubarse a ermida de San Joan na que a imaxe se atopaba. A talla, de 55 centímetros, representa á Virxe María cun manto sobre o que repousan os seus cabelos peinados en trenza.

La Pobla de Mafumet celebra a súa festa maior no mes de xuño, coincidindo coa festividade de san Xoán (24 de xuño). No mes de febreiro (2 de febreiro) celébranse as festas na honra á Mare de Déu del Lledó, patroa do concello.

Outras festas importantes son:

Festa do romesco: É unha festa-concurso onde os concursantes teñen que amosar as súas aptitudes culinarias na realización do prato típico da comarca do Tarragonès, chamado romesco. É un prato de tipo "suquet", que ten como base o peixe sapo e un mollo ("picada"). Faise a partir de abelás ou améndoas, allo, tomate e pimentón de romesco.

Paella popular: Celébrase no mes de setembro coincidindo coa día Diada de Cataluña.

Festa de l'oli: Degustación do aceite novo. Colabora a Cooperativa Agrícola de San Isidro.

Economía

Tradicionalmente, a base da economía do concello foi a agricultura, sobresaíndo os cultivos de viña, oliveira, cereal e abeleira. A partir da década de 1970 instaláronse no concello diversas industrias que reduciron o número de terras adicadas ó cultivo.

A refinaría instalada en 1974 e outras industrias dependentes da mesma son, dende entón, a base do emprego dos habitantes de La Pobla.

Vista da refinaría.

Véxase tamén

Bibliografía

Tomàs Bonell, Jordi; Descobrir Catalunya, poble a poble, Prensa Catalana, Barcelona, 1994
Artigo na Enciclopedia Catalá Arquivado 01 de xuño de 2020 en Wayback Machine.

Ligazóns externas

Páxina do concello de La Pobla de Mafumet (en catalán)