La Algaba

La Algaba é unha localidade da provincia de Sevilla, en Andalucía.

La Algaba
Localización
País	España
Comunidade Autónoma	Andalucía
Provincia	Sevilla
Comarca	Vega del Guadalquivir
Xeografía
Altitude	11 msnm
Superficie	17,68 km²
Demografía
Poboación	16.503 hab. (2020)
Densidade	920,53 hab./km²
Xentilicio	algabeño, -a
Outros datos
Código postal	41980 (La Algaba) 41989 (El Aral)
www.laalgaba.es

Xeografía

Pertence á comarca de La Vega do río Guadalquivir, estendéndose sobre a súa marxe dereita. Ao seu núcleo urbano central, cunha altitude de apenas 11 metros sobre o nivel mar, súmase o barrio do Aral. A súa extensión superficial é de 18 km² e ten unha densidade de 756,8 hab/km². As súas coordenadas xeográficas son 37º 27' N, 6º 00' W. Atópase situada a unha distancia de 7 quilómetros da capital de provincia, Sevilla.

A poboación do municipio ascendía a un total de 12.792 habitantes no ano 1996, froito dun importante crecemento nos últimos anos, debido á súa integración na zona norte da área metropolitana de Sevilla e ao impulso económico que supuxo o desenvolvemento agrícola e, en concreto, o cultivo de cítricos.

Historia

As orixes do núcleo sitúanse na época prerromana, cando os herdeiros da civilización tartesia fundaron a Balbilis Turdetana, destruída en tempos dos visigodos. A súa denominación actual procede do árabe Al-Gaba, que significa O Bosque. Fernando III a reconquistou en 1247 e cedeulla ao seu fillo Fadrique. Ao morrer, este volveu ao poder real. En 1304 foi dada ao infante Afonso de la Cerda, quen a cedeu máis tarde ao Duque de Néboa. Para rematar, este cambiouna a Juan Guzmán por Medina-Sidonia. Foi Filipe II quen creou o Marquesado de La Algaba para contrapesar a penuria económica da súa Facenda, quedando suxeita a vila a este señorío ata o século XIX, en que se constituíu o seu Concello Constitucional.

Véxase tamén

Ligazóns externas

• La Algaba - Sistema de Información Multiterritorial de Andalucía.
• Patrimonio cultural de La Algaba na Guía dixital do Patrimonio Cultural de Andalucía. Instituto Andaluz do Patrimonio Histórico