Kraken Mare

Kraken Mare
Unha imaxe de radar de apertura sintética (arriba) superposta sobre outra no feita no espectro visible da rexión polar norte de Titán que amosa en toda a súa extensión o Kraken Mare.
Tipo de accidente xeolóxico	Mare
Accidente xeolóxico de	Titán
Diámetro	1.170 km
Superficie	400.000 km2
Coordenadas	68° N 310° O
Procedencia do nome	Kraken, un lendario monstro mariño.

Kraken Mare é o lago máis grande na superficie da lúa de Saturno, Titán. Foi descuberto pola sonda Cassini no 2007 e recibiu o nome de Kraken, o lendario monstro mariño da mitoloxía nórdica.^[2]

Con case toda seguridade Kraken Mare é o lago máis grande da rexión do polo norte de Titán, xa que conta con preto de 400.000 km² (cinco veces máis có lago Superior de Norte América e un pouco máis có Mar Caspio, o lago máis grande da Terra) e a superficie total das áreas escuras que moi posiblemente sexan lagos non sería moi superior nestas estimacións (baseadas nas imaxes obtidas por radar) aos 510.000 km² (un 40% máis de tamaño có Mar Caspio), polo cal este lago sería con moito o máis grande dos lagos da rexión do polo norte de Titán.^[1]

O seu status coma mar de hidrocarburos foi confirmado polas imaxes e datos obtidos por radar. Só unha porción do mar escaneada por radar, pero coma se pode ver na imaxe da caixa de información, o seu tamaño e moito máis grande, coma así reflicte a imaxe de fondo feita no espectro visible.

Unha illa existente neste mar recibiu o nome de Mayda Insula.

Coma parte do proxecto da Titan Saturn System Mission, propúxose que esta sonda probase amarar no Kraken Mare para analiza-la súa composición, profundidade e outras moitas propiedades.

Notas

↑ ^1,0 ^1,1 JPL (ed.). "Cassini Finds Hydrocarbon Rains May Fill Titan Lakes" (en inglés). Arquivado dende o orixinal o 29/06/2010. Consultado o 22/04/2010.
↑ Gazetteer of Planetary Nomenclature (ed.). "Titan: Kraken Mare" (en inglés). Consultado o 03-09-2018.

Véxase tamén

Outros artigos

Ligazóns externas

Map of Titan's north pole, based on radar imagery, showing Kraken Mare's location (imaxe dos lagos do polo norte de Titán con nomenclatura incluída.) (en inglés)
Cassini-Huygens: Multimedia-Images (en inglés)

[Kraken-1] 1,0 ^1,1 JPL (ed.). "Cassini Finds Hydrocarbon Rains May Fill Titan Lakes" (en inglés). Arquivado dende o orixinal o 29/06/2010. Consultado o 22/04/2010.

[nomenclatura-2] Gazetteer of Planetary Nomenclature (ed.). "Titan: Kraken Mare" (en inglés). Consultado o 03-09-2018.

[2]

[1]