Koskipuisto
Koskipuisto (en galego Parque dos rápidos) é unha área axardiñada situada na beira leste do Tammerkoski no barrio de Kyttälä, na cidade de Tampere (Finlandia). En fronte, na beira oeste dos rápidos encóntrase o Kirjastonpuisto (en galego "Xardín da Biblioteca") – aínda que ás veces toda a zona é chamada Koskipuisto.[1][2] O Tammerkoski e as súas beiras é unha das paisaxes nacionais de Finlandia.
Esta beira foi marcada como parque no primeiro plano da cidade preparado polo arquitecto municipal F. L. Calonius para Kyttälä no ano 1886. A constrción do parque iniciouse a finais da década de 1890 ao mesmo tempo que a construción da nova área de Kyttälä, e finalizaron no cambio de século. A zona axardiñada estendíase tamén ao sur de Hämeenkatu, pero a construción da rúa Hatanpään valtatie e a nova ponte Hämeensilta nas décadas de 1920 e 1930 reduciron de xeito significativo a parte sur do parque. Actualmente a zona verde situada ao sur de Hämeenkatu é coñecida polo nome de Verkatehtaanpuisto.[2]
Na década de 1930 Koskipuisto foi renovado e expandido, cando se construíu unha nova central hidroeléctrica e ao mesmo tempo estreitouse o río. Entre outras cousas construíuse un paseo máis amplo na área vaciada dos rápidos. O antigo banco da praia encontrábase aproximadamente en torno ao actual corredor medio di parque.[3]
No ano 1971 inaugurouse a estatua de Aimo Tukiainen Virvatulet, adicada aos soldados finlandeses.[2] Antes da estatua de Tukiainen erixírase outra de Yrjö Liipola no mesmo lugar chamada Paimenpoika (1947), que foi trasladada ao Verkatehtaanpuisto.[4]
Na década de 1990 a área de xogos foi renovada e renomeada como parque de xogos de Pikku Kakkonen.
Notas editar
- ↑ Donner 2005, p. 12.
- ↑ 2,0 2,1 2,2 Siitarinen 1999.
- ↑ Donner 2005, pp. 13–16.
- ↑ Donner 2005, p. 31.
Véxase tamén editar
| Wikimedia Commons ten máis contidos multimedia na categoría: Koskipuisto |
Bibliografía editar
- Donner, Julia (2005). Koskimaiseman puistot – Koskipuiston ja Kirjastonpuiston historiallinen selvitys (PDF) (en finés). Tampereen kaupunki, vihersuunnittelu. Archived from the original on 15 de agosto de 2012. Consultado o 20 de febreiro de 2021.
- Siitarinen, Eila (1999). Tampereen puistot 125 v (PDF) (en finés). Tampereen kaupungin puistoyksikkö. Archived from the original on 15 de agosto de 2012. Consultado o 20 de febreiro de 2021.