Kirsty Coventry
Kirsty Coventry, nada o 16 de setembro de 1983 en Harare, é unha nadadora de Cimbabue gañadora de sete medallas olímpicas, incluídas dúas de ouro, entre os Xogos de Atenas 2004 e Pequín 2008.
_2.jpg)
Traxectoria editar
Vive nos Estados Unidos, onde estuda e compite pola Universidade de Auburn, en Alabama, coa que gañou varios campionatos universitarios. Mide 1'73 m e pesa 61 kg.
No ano 2000, sendo aínda estudante de secundaria, participou nos Xogos Olímpicos de Sydney, onde chegou a semifinais nos 100 metros costas. Isto valeulle ser nomeada como deportista do ano en Cimbabue.
Nos Xogos Olímpicos de Atenas 2004 conseguiu a medalla de ouro dos 200 m. costas (2:09,19), a prata dos 100 m. costas (1:00,50) e o bronce nos 200 m. estilos (2:12,72). Son as primeiras medallas olímpicas na historia de Cimbabue logo de 24 anos, e foi recibida como unha heroína á súa volta.
Nos Campionatos do Mundo de Montreal 2005 gañou dúas medallas de ouro, en 100 e 200 m. costas (1:00,24 e 2:08,52) e dúas medallas de prata, en 200 e 400 m. estilos (2:10,41 e 4:36,07). Estes triunfos colocaron a Cimbabue no terceiro lugar do medalleiro en devanditos campionatos, malia que Kirsty era a única representante dese país. Ela foi a nadadora máis laureada da competición.
Nos Xogos Olímpicos de Pequín 2008 gañou 1 ouro e tres medallas de prata (400 m individual, 100 m costas, e 200 m individual) e nas tres probas bateu as marcas mundiais. En 400 m individuais obtivo 4:29.89 (a marca era de 4:31.12), pero foi derrotada pola australiana Stephanie Rice. Na semifinal dos 100 m costas impuxo unha nova marca mundial de 58,77 segundos, pero na final foi vencida por Natalie Coughlin, dos Estados Unidos. En 200 m individual obtivo 2:08.59, superando os 2:08.92 da marca mundial, pero a mellor marca foi de Stephanie Rice.
Véxase tamén editar
Ligazóns externas editar
- Páxina oficial (en inglés)