KDE e.V.
KDE e.V. (“KDE eingetragener Verein”, «Asociación rexistrada KDE» en alemán, denominación legal alemá[1]) é unha asociación fundada en 1997 que representa e apoia á comunidade KDE, dándolle representación legal naquelas actividades que precisen dela, xestionando os cartos, e lexitimando aos individuos que se pronuncian ou actúan en nome da comunidade. En España, esta representación lévaa a cabo KDE España, a quen KDE e.V. concedeu as competencias en dito país. Como asociación baixo a lei alemá, KDE e.V. está exenta de impostos, dado que as súas actividades e obxectivos están destinados a contribuír aos bens públicos[1].
| KDE e.V. | |
|---|---|
| Tipo | entidade filantrópica |
| Data de fundación | 27 de novembro de 1997 |
| Fundador(es) | Matthias Ettrich e Matthias Kalle Dalheimer |
| Presidente/a | Aleix Pol Gonzalez (en)  (2019-)  |
| Sede | Berlín |
| País | Alemaña |
| Na rede | |
| http://ev.kde.org | |
| [ editar datos en Wikidata ] | |
Funcións editar
O aspecto máis formal da KDE e.V. é a representación da comunidade KDE, de xeito que é posible que alguén se pronuncie oficialmente en nome da comunidade, que se poidan asinar contratos e que se poidan recibir cartos. A asociación actúa en nome da comunidade. A súa estrutura asegura que as decisións representan as intencións dos membros da comunidade.
Outro aspecto é o de apoiar á comunidade KDE no desenvolvemento de software libre, financiando moitas actividades, coma encontros de desenvolvedores (“developer springs”), onde grupos reducidos de contribuidores se xuntan uns días para traballar, coordinarse e introducir a novos membros da comunidade[1]. Tamén organiza a conferencia anual (Akademy), financia os custos de transporte a algúns membros da comunidade para algunhas das súas actividades, e ten unhas oficinas con traballadores que levan a cabo as tarefas administrativas e organizativas.
Ademais conta cun foro para que os seus membros conversen e tomen decisións, actúa coma un punto central de contacto coa comunidade e constitúe un dos sinais de identidade de KDE.
Porén, KDE e.V. non intervén nas cuestións técnicas da comunidade, coma o desenvolvemento de software e todo o relativo a dito proceso.
Financiamento editar
O programa “Join the game” (inglés para «Únase ao xogo»), unha campaña para promover o programa de contribución individual (para contribucións económicas a KDE), foi a principal fonte de recadación económica da asociación durante o segundo cuadrimestre do ano 2010[1].
Membros editar
A asociación confórmana os principais membros da comunidade KDE. Os novos membros escóllenos mediante votación os membros actuais, co obxectivo de representar de maneira efectiva no seu conxunto a toda a comunidade. Nestes momentos hai 165 membros, con dereito a voto sobre as decisións da asociación.
Actualmente a súa directiva está formada por:[2]
- Cornelius Schumacher, presidente.
- Sebastian Kügler, vicepresidente.
- Agustin Benito Bethencourt, tesoureiro.
- Lydia Pintscher e Pradeepto Bhattacharya, membros do consello.
Notas editar
- ↑ 1,0 1,1 1,2 1,3 Informe do segundo cuadrimestre do 2010.
- ↑ "Board of Directors". KDE e.V. Board. Consultado o 22-12-2012.