Juno (sonda espacial)

Juno
	Representación artística de Juno en órbita de Xúpiter.
Tipo	Científico
Organización	NASA
Destino actual	En órbita de Xúpiter.
Data de lanzamento	5 de agosto de 2011, 16:25 GMT
Foguete portador	Atlas V
Sitio de lanzamento	Centro Espacial de Cabo Cañaveral
Obxectivo da misión	Estudo de Xúpiter.
NSSDC ID	2011-040A
Masa	1500,0 kg
Dimensións	Cilindro hexagonal de 3,5 m de diámetro e 3,5 m de alto rodeado por tres paneis solares.
Potencia	400 vatios na órbita de Xúpiter
	v; c; e;

Juno (acrónimo de Jupiter Near-polar Orbiter) é unha sonda espacial da NASA pertencente ó programa New Frontiers e lanzada o 5 de agosto de 2011 mediante un foguete Atlas V desde o Centro Espacial de Cabo Cañaveral.^[2]^[5]^[6] Chegou ó planeta Xúpiter o día 5 de xullo de 2016, sendo confirmado o seu ingreso a salvo á órbita do planeta ás 03:53 UTC.^[7] A duración útil da misión será dun ano terrestre. A misión terá unha duración total de seis anos.

Características

Juno é unha sonda espacial lanzada cara Xúpiter, onde se insertou nunha órbita polar desde a que facer as súas observacións. A misión principal de Juno é estudar a formación e orixe da atmosfera do planeta e o fenómeno da migración planetaria mediante a medición das abundancias de osíxeno e nitróxeno, estudar as variacións na atomsfera profunda de Xúpiter no relativo á meteoroloxía, composición e temperatura, observar a estrutura fina do campo magnético xoviano, medir o campo gravitatorio e a distribución de masas no interior do planeta e estudar a súa magnetosfera e as súas auroras. A sonda leva oito instrumentos a bordo para cumprir estes obxectivos. É a segunda misión do programa New Frontiers.^[2]^[5]^[6]

O corpo da nave é un cilindro hexagonal de 3,5 m de diámetro e 3,5 m de alto do que sobresaen tres paneis solares de lados alternos do hexágono e proporcionando un diámetro total para a sonda de 20 metros. Nun dos lados do cilindro se atopa a antena de alta ganancia. No interior van montados varios insrumentos, o propelente e unha caixa blindada de titanio de 0,8 x 0,8 x 0,6 metros resistente á radiación do contorno de Xúpiter coa aviónica e os sistemas críticos dentro dela. A caixa ten unha masa de 150 kg, cun espesor dun centímetro nas súas paredes. A alimentación eléctrica é proporcionada por tres paneis solares con células de arseniuro de galio. Dous dos paneis solares están formados por catro segmentos, mentres que o terceiro está formado por tres segmentos, ocupando o lugar do cuarto unha estrutura con instrumentación científica. Os paneis xeran 18 kW de potencia na órbita terrestre e 400 W na órbita de Xúpiter.^[2]^[5]^[6]

Instrumentos

Juno leva os seguintes instrumentos a bordo:^[2]^[5]

Experimento de Distribución Auroral Xoviano (JADE)
Instrumento Detector de Partículas Enerxéticas en Xúpiter (JEDI)
Espectrógrafo Ultravioleta (UVS)
JunoCam
Cartografiador Auroral Xoviano no Infravermello (JIRAM)
Instrumento de Ondas de Plasma (Waves)
Radiómetro de Microondas (MWR)
Magnetómetro de Porta de Fluxo (FGM)
Compás Estelar Avanzado (ASC)
Magnetómetro Escalar de Helio (SHM)
Experimento de Gravidade.

Perfil da misión

Juno foi lanzado desde Cabo Cañaveral o 5 de agosto de 2011 ás 16:25 GMT (12:25 EDT) a unha órbita heliocéntrica. Para alcanzar Xúpiter necesitou facer unha asistencia gravitatoria coa Terra, á que sobrevoou en setembro de 2013. Juno entrou en órbita de Xúpiter o 5 de xullo de 2016.^[2]

Un dos feitos a vixiar é a tormenta xigante xirando preto da Gran Mancha Vermella, no hemisferio sur do planeta, dun diámetro duns 8000 km.^[8]

Notas

↑ ^1,0 ^1,1 N2YO (2011). Real Time Satellite Tracking, ed. "JUNO" (en inglés). Consultado o 5 de maio de 2013.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (27 de marzo de 2013). "Juno" (en inglés). Consultado o 5 de maio de 2013.
↑ "Note verbale dated 14 November 2011 from the Permanent Mission of the United States of America to the United Nations (Vienna) addressed to the Secretary-General" (PDF) (11-87980). 12 de decembro de 2011: 3. Consultado o 5 de maio de 2013.
↑ Claude Lafleur (2010). "Juno" (en inglés). Consultado o 5 de maio de 2013.
↑ ^5,0 ^5,1 ^5,2 ^5,3 ^5,4 ^5,5 Gunter Dirk Krebs (2013). Gunter's Space Page, ed. "Juno (New Frontiers 2)" (en inglés). Consultado o 5 de maio de 2013.
↑ ^6,0 ^6,1 ^6,2 ^6,3 ^6,4 Mark Wade (2011). "Juno" (en inglés). Consultado o 5 de maio de 2013.
↑ "NASA's Juno Spacecraft in Orbit Around Mighty Jupiter" (en inglés). NASA. 5 de xullo de 2016. Consultado o 5 de xullo de 2016.
↑ Greicius, Tony (2019-01-31). "Jupiter Storm Tracker". NASA. Consultado o 2019-02-06.

Véxase tamén

Ligazóns externas

Páxina de Juno na NASA

[n2yo-1] 1,0 ^1,1 N2YO (2011). Real Time Satellite Tracking, ed. "JUNO" (en inglés). Consultado o 5 de maio de 2013.

[NSSDC-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (27 de marzo de 2013). "Juno" (en inglés). Consultado o 5 de maio de 2013.

[UNOOSA-3] "Note verbale dated 14 November 2011 from the Permanent Mission of the United States of America to the United Nations (Vienna) addressed to the Secretary-General" (PDF) (11-87980). 12 de decembro de 2011: 3. Consultado o 5 de maio de 2013.

[claude-4] Claude Lafleur (2010). "Juno" (en inglés). Consultado o 5 de maio de 2013.

[gunter-5] 5,0 ^5,1 ^5,2 ^5,3 ^5,4 ^5,5 Gunter Dirk Krebs (2013). Gunter's Space Page, ed. "Juno (New Frontiers 2)" (en inglés). Consultado o 5 de maio de 2013.

[astronautix-6] 6,0 ^6,1 ^6,2 ^6,3 ^6,4 Mark Wade (2011). "Juno" (en inglés). Consultado o 5 de maio de 2013.

[7] "NASA's Juno Spacecraft in Orbit Around Mighty Jupiter" (en inglés). NASA. 5 de xullo de 2016. Consultado o 5 de xullo de 2016.

[8] Greicius, Tony (2019-01-31). "Jupiter Storm Tracker". NASA. Consultado o 2019-02-06.

[2]

[5]

[6]

[7]

[1]

[3]

[4]

[8]